Tuman, jel, kóktaıǵaq: 22 qazanǵa arnalǵan aýa raıy
NUR-SULTAN. QazAqparat - «Qazgıdromet» RMK mamandary 22 qazanda aýa raıy qandaı bolatynyn aıtty, dep habarlaıdy QazAqparat.
Skandınavııa aımaǵynan kelgen tsıklonnyń áserinen QR basym bóliginde jaýyn-shashyn (jańbyr, qar) jaýady, jel kúsheıedi. Keı jerlerde tuman, kóktaıǵaq kútiledi.
Tek elimizdiń batysynda ǵana Soltústik-batys antıtsıklonynyń áserinen kún ashyq bolady.
Pavlodar, Túrkistan, Qyzylorda, Shyǵys Qazaqstan, Jambyl, kúndiz Almaty oblystarynyń keı jerlerinde jel ekpini - 15-20 m/s.
Shyǵys Qazaqstan, Jambyl oblystarynda jel qarqyny 23-28 m/s deıin kúsheıedi.
Túnde Qostanaı oblysynyń keı aımaqtarynda, kúndiz - basym bóliginde jel jyldamdyǵy 15-20 m/s jetedi. Keı jerlerinde tuman túsip, kóktaıǵaq bolady.
Qaraǵandy, Aqmola, Aqtóbe oblystarynyń keı jerleinde tuman, kóktaıǵaq kútiledi.
Qaraǵandy, Aqmola oblystarynda jeldiń kúshi 15-20 m/s deıin ekpindeıdi.
