Tuman, jel, qar: Sınoptıkter aldaǵy úsh kúnniń aýa raıy boljamyn jarııalady

ASTANA. QazAqparat - Sınoptıkter boljamyna sáıkes, Qazaqstan aýmaǵynyń batys bóligi tómen qysymnyń yqpalynda bolyp, kún qubylmaly bolady. Bul týraly QazAqparat «Qazgıdromet» RMK-ǵa silteme jasap habarlaıdy.

«Sonymen qatar, frontaldy bólikterdiń ótýimen 29 naýryzda soltústikte, kúndiz ortalyqta, 29-30 naýryzda shyǵysta jaýyn-shashyn (jańbyr, qar), 30 naýryzda kúndiz qalyń qar jaýyp, jaıaý burqasyn bolady, 29-30 naýryz kúnderi elimizdiń ońtústiginde, ońtústik-shyǵysynda naızaǵaı jarqyldap, jaýyn jaýady. Respýblıka boıynsha tuman bolyp, jel kúsheıedi, ońtústik-batysta shańdy daýyl, soltústik pen shyǵysta - kóktaıǵaq kútiledi. 30 naýryzda elimizdiń soltústiginde, shyǵysynda jáne ortalyǵynda aýa temperatýrasy kúndiz 5 gradýs aıazǵa deıin tómendeıdi dep kútilýde», - delingen habarlamada.