Tuman, jel, boran – jeksenbige arnalǵan aýa raıy
NUR-SULTAN. QazAqparat – Jeksenbi kúni elimizdiń keı jerlerinde tuman túsip, jel kúsheıedi, soltústik aımaqtarda boran soǵyp, batysta kóktaıǵaq bolady, dep habarlaıdy QazAqparat Qazgıdrometke silteme jasap.
10 qańtarda Qazaqstannyń basym bóliginde aıaz bolady, qar jaýmaıdy, soltústik antıtsıklon shyǵysqa qaraı aýysa bastaıdy. Batystan aýysqan tsıklon aýa temperatýrasynyń joǵarylaýyna áserin tıgizedi, sonymen birge soltústik oblystarda qar jaýady, elimizdiń batysynda qar alas jańbyr jaýýy yqtımal.
Elimizdiń keı jerlerinde tuman túsip, jel kúsheıedi, soltústik aımaqtarda boran soǵyp, batysta kóktaıǵaq bolady.
Batys Qazaqstan, Aqtóbe oblystarynyń keı jerlerinde tuman túsedi, kóktaıǵaq bolady, jaıaý burqasyn soǵady, jeldiń ekpini 15-20 m/s jetedi.
Qostanaı, Soltústik Qazaqstan, Aqmola, Aqtóbe, Pavlodar, Shyǵys Qazaqstan oblystarynyń keı jerlerinde jaıaý burqasyn soǵýy múmkin, jel 15-20 m/s kúsheıedi. Qostanaı jáne Soltústik Qazaqstan oblystarynyń keı jerlerinde tuman túsedi.
Mańǵystaý, Atyraý oblystarynyń keı jerlerinde tuman túsedi, kóktaıǵaq bolýy múmkin.
Jambyl, Qaraǵandy oblystarynyń keı jerlerinde tuman túsýi múmkin, jel 15-20 m/s kúsheıedi.
Túrkistan oblysynyń keı jerlerinde tuman túsedi.
Túnde Almaty oblysynyń keı jerlerinde qatty aıaz bolady.
