Tuman, jańbyr, jel – jeksenbige arnalǵan aýa raıy
NUR-SULTAN. QazAqparat – Jeksenbi elimizde tuman túsip, jańbyr jaýady, kún kúrkirep, naızaǵaı jarqyldaıdy, jel kúsheıedi, dep habarlaıdy QazAqparat Qazgıdrometke silteme jasap.
Sınoptıkterdiń boljaýynsha, 6 qyrkúıekte Qazaqstannyń basym bóligine soltústik jáne ońtústik antıtsıklon áser etedi, osyǵan baılanysty ońtústikte kún kúrkirep, naızaǵaı jarqyldaıdy, keı jerlerde jańbyr jaýady. Tek elimizdiń batysynda kún raıy ashyq bolady. Elimizdiń keı jerlerinde tuman túsip, jel kúsheıedi, batysta shańdy daýyl soǵady.
Qyzylorda, Mańǵystaý, kúndiz Aqmola, Soltústik Qazaqstan, Qostanaı, Pavlodar, Atyraý oblystarynyń keı jerlerinde jel 15-20 m/s kúsheıedi.
Mańǵystaý jáne Atyraý oblystarynda shańdy daýyl soǵýy yqtımal. Túrkistan, kúndiz Almaty, Qaraǵandy oblystarynyń keı jerlerinde naızaǵaı oınaıdy, jel 15-23 m/s kúsheıedi.
Jambyl oblysynyń keı jerlerinde tuman túsip, kúndiz naızaǵaı jarqyldaıdy, daýyl soǵyp, jel 15-20 m/s kúsheıedi.
Túnde Shyǵys Qazaqstan oblysynyń keı jerlerinde tuman túsýi múmkin.
Qaraǵandy oblysynyń keı jerlerinde, Qostanaı oblysynyń keı jerlerinde 1-3 gradýs úsik júredi.
Atyraý, Qyzylorda oblysynyń basym bóliginde, Qaraǵandy oblysynyń keı jerlerinde, Túrkistan oblysynda, Batys Qazaqstan oblysynyń ońtústiginde tótenshe órt qaýipi saqtalady.
