Tuman túsip, jel soǵady: Birneshe óńirde daýyldy eskertý jarııalandy

ASTANA. KAZINFORM – «Qazgıdromet» RMK 18 qarasha kúni elimizdiń birqatar óńirinde aýa raıyna baılanysty eskertý jarııalady. 

Túnde jáne tańerteń Aqtóbe oblysynyń batysynda, soltústiginde, shyǵysynda tuman kútiledi.

Jambyl oblysynyń ońtústigine, taýly aýdandaryna tuman túsýi yqtımal. Ońtústik-shyǵystan jel soǵady. 

18 qarashada Shyǵys Qazaqstan oblysynda qolaısyz meteorologııalyq jaǵdaı týraly ekinshi dárejeli eskertý saqtalyp otyr.

Soltústik Qazaqstan oblysynyń batysynda, soltústiginde, ońtústiginde ońtústik-batystan jel soǵady, ekpini – 15-20 m/s.

18 qarasha Batys Qazaqstan oblysynyń soltústiginde, shyǵysynda, ońtústiginde tuman bolady. Atyraý, Mańǵystaý, Qostanaı, Aqmola jáne Ulytaý oblystarynda da osyǵan uqsas aýa raıy bolady dep boljandy. 

Qyzylorda oblysynyń soltústiginde, ortalyǵynda tuman, túnde oblystyń batysynda, ońtústiginde, ortalyǵynda kóktaıǵaq kútiledi.

Túrkistan oblysynyń ońtústigine, taýly jáne taý bókterli aýdandaryna tuman túsedi. Ońtústik-shyǵystan jel soǵady, kúndiz oblystyń taý asýlarynda ekpini – 15-20 m/s.

18 qarashada Abaı oblysynda ońtústik-shyǵystan jel soǵady. 

Eske sala keteıik, buǵan deıin «Qazgıdromet» Qazaqstan aımaqtarynda 16 qarashada bolatyn qaýipti meteorologııalyq qubylystarǵa boljaý konsýltatsııasyn jarııalaǵan edi.