Tuman túsip, jel ekpini kúsheıedi: 3 naýryzǵa arnalǵan aýa raıy boljamy

ASTANA. KAZINFORM – 3 naýryzda Qazaqstannyń 17 oblysynda aýa raıyna baılanysty eskertý jarııalandy, dep habarlaıdy Kazinform «Qazgıdromet» RMK-nyń baspasóz qyzmetine silteme jasap.

Almaty oblysynyń taýly aımaqtarynda túnde qalyń qar jaýady. Oblystyń ońtústigi men taý bókterinde tuman túsip, joldarda kóktaıǵaq bolady dep boljanyp otyr. Sonymen qatar soltústik-shyǵystan jáne shyǵystan soǵatyn jeldiń ekpini 15-20 m/s jetedi. Almaty qalasynda 3 naýryzda tuman túsip, kóktaıǵaq kútiledi. Qonaev qalasynda túnde jáne tańerteń tuman men kóktaıǵaq saqtalady, jeldiń ekpini 15-20 m/s bolady.

Ulytaý oblysynyń soltústik jáne shyǵys aımaqtarynda tuman túsedi. 

Atyraý oblysynyń batysynda kóktaıǵaq, batysy, ońtústigi men shyǵysynda tuman baıqalady. Kúndiz oblystyń soltústik, ońtústik jáne shyǵys bólikterinde shańdy daýyl soǵady. Jel ońtústikten jáne ońtústik-batystan soǵyp, ekpini 15-20 m/s aralyǵynda bolady. Atyraý qalasynda 3 naýryzda túnde jáne tańerteń tuman túsedi, kúndiz keı ýaqytta shańdy daýyl kútiledi, jeldiń ekpini 15-18 m/s bolady.

Qaraǵandy oblysynyń batysy men soltústiginde qar jaýyp, jaıaý burqasyn bolady. Oblystyń soltústik jáne shyǵys aımaqtarynda tuman túsedi. Jel ońtústik-batystan soǵyp, ekpini 15-20 m/s jetedi. Qaraǵandy qalasynda 3 naýryzda qar jaýyp, jaıaý burqasyn bolýy yqtımal. 

Mańǵystaý oblysynyń batysy men soltústiginde túnde kóktaıǵaq, al batysy, soltústik-shyǵysy jáne ortalyǵynda tuman bolady. Aqtaýda 3 naýryzda túnde jáne tańerteń tuman túsedi dep kútilip otyr. 

Qyzylorda oblysynyń soltústik bóliginde jáne ortalyq aımaqtarynda joldarda kóktaıǵaq pen tuman kútiledi.

Astanada 3 naýryzda túnde jáne kúndiz az mólsherde qar jaýyp, jaıaý burqasyn bolady dep boljanýda. Jel ońtústik-batystan soǵyp, túngi ekpini 15-18 m/s jetedi.

Soltústik Qazaqstan oblysynda túnde qar jaýyp, jaıaý burqasyn bolady. Kúndiz oblystyń batysy men shyǵysynda qar jaýyp, jaıaý burqasyn saqtalady. Sonymen qatar oblystyń batysy men ońtústiginde tuman túsedi.

Jambyl oblysynyń taýly aımaqtarynda qar jaýyp, jaıaý burqasyn bolady. Túnde keı ýaqytta qar qalyń jaýyp, tuman men kóktaıǵaq baıqalady. Taýly aýdandarda soltústik-shyǵystan soqqan jeldiń ekpini 15-20 m/s quraıdy. Taraz qalasynda 3 naýryzda keı ýaqytta tuman men kóktaıǵaq bolady.

Aqtóbe oblysynyń soltústik bóliginde kóktaıǵaq kútiledi. Kúndiz oblystyń soltústigi men batysynda ońtústik-batystan jel soǵyp, ekpini 15-18 m/s bolady.

Túnde Túrkistan oblysynyń taýly aýdandarynda jaýyn-shashyn (jańbyr men qar), kóktaıǵaq bolady. Oblystyń batysy, soltústigi, ońtústigi jáne taýly aımaqtarynda tuman túsedi. Kúndiz taý aslýlarynda soltústik-shyǵystan jel soǵyp, ekpini 15-20 m/s jetedi. Shymkent qalasynda 3 naýryzda túnniń birinshi jartysynda jaýyn-shashyn (jańbyr men qar), túnde jáne tańerteń tuman bolady dep boljanýda. Túrkistan qalasynda 3 naýryzda túnde jáne tańerteń tuman túsedi.

Pavlodar oblysynda qar jaýyp, jaıaý burqasyn bolady. Oblystyń batysy men ońtústiginde ońtústik-batystan jel soǵyp, ekpini 15-20 m/s jetedi.

Shyǵys Qazaqstan oblysynda qar jaýyp, burqasyn bolady. Oblystyń soltústigi men shyǵysynda jel ońtústik-shyǵystan ońtústik-batysqa aýysyp soǵady, ekpini 15-20 m/s quraıdy. Óskemen qalasynda 3 naýryzda qar jaýyp, burqasyn bolady dep kútilip otyr. 

Abaı oblysynda 3 naýryzda qar jaýyp, burqasyn soǵady dep boljanýda. Oblystyń batysy, soltústigi jáne ortalyǵynda ońtústikten, ońtústik-batystan jel soǵyp, ekpini 15-20 m/s bolady. Semeı qalasynda da qar jaýyp, burqasyn kútiledi.

Qostanaı oblysynyń shyǵysy men ońtústiginde túnde qar jaýyp, jaıaý burqasyn bolady. Kúndiz oblystyń batysy, soltústigi jáne shyǵysynda jańbyr men qar jaýyp, kóktaıǵaq paıda bolady, al soltústik pen shyǵysynda tuman túsedi. Jel kúndiz ońtústik-batystan soǵyp, ekpini 15-20 m/s shamasynda bolady. Qostanaı qalasynda 3 naýryzda kúndiz kóktaıǵaq, túnde jáne tańerteń tuman kútiledi.

Batys Qazaqstan oblysynyń soltústik jáne shyǵys aımaqtarynda kóktaıǵaq, al batys, soltústik jáne ońtústik bólikterinde tuman bolady. Oral qalasynda 3 naýryzda kúndiz kóktaıǵaq pen tuman kútiledi.

Aqmola oblysynda túnde, sondaı-aq kúndiz oblystyń batysy, ońtústigi jáne shyǵysynda azdap qar jaýyp, jaıaý burqasyn soǵady. Túnde jáne tańerteń oblystyń batysy men soltústiginde tuman túsedi. Ońtústik jáne shyǵys aımaqtarda ońtústik-batystan jel soǵyp, ekpini 15-20 m/s bolady.

Jetisý oblysynyń ońtústik, shyǵys, ortalyq jáne taýly aýdandarynda keı ýaqytta tuman men kóktaıǵaq baıqalady. Oblystyń shyǵysyndaǵy taýly aımaqtarda jeldiń ekpini 15-20 m/s, al Alakól kólderi aýdanynda 23-28 m/s deıin jetedi. Taldyqorǵan qalasynda 3 naýryzda túnde jáne tańerteń tuman bolady.

Budan buryn habarlaǵanymyzdaı, Qazgıdromet sáýir aıyndaǵy aýa raıy boljamyn jarııalady.