Tuman túsip, jel ekpini kúsheıedi: 14 naýryzǵa aýa raıy boljamy
ASTANA. KAZINFORM – «Qazgıdromet» RMK sınoptıkteri 14 naýryzda birqatar óńirde aýa raıyna baılanysty eskertý jarııalanǵanyn habarlady.
14 naýryzda Astanada kóktaıǵaq bolady.
Aqmola oblysynda túnde oblystyń ońtústigi men shyǵysynda azdaǵan qar jaýady, kóktaıǵaq kútiledi. Oblystyń batysy, soltústik jáne ońtústiginde tuman bolady, al soltústik pen shyǵys aımaǵynda ońtústik-batystan soǵatyn jeldiń ekpini 15-20 m/s jetedi.
Abaı oblysynda túnde jáne tańerteń tuman kútiledi. Oblys ortalyǵynda ońtústik-batystan soǵatyn jeldiń kúshi 15-20 m/s bolady.
Qostanaı oblysynyń batysy, soltústigi jáne ońtústigine tuman túsedi.
Mańǵystaý oblysynyń soltústik-shyǵysynda túnde jáne tańerteń tuman kútiledi.
Aqtóbe oblysynyń batysy men soltústiginde de tuman bolady.
Qaraǵandy oblysynyń soltústigi, shyǵysy jáne ońtústiginde tuman men kóktaıǵaq kútiledi.
Ulytaý oblysynyń soltústigi, ońtústigi jáne ortalyǵynda tuman men kóktaıǵaq bolady.
Batys Qazaqstan oblysynyń batysy, soltústigi jáne ońtústigine tuman túsedi.
Jetisý oblysynyń taýly aımaqtarynda tuman bolady. Alakól mańynda soltústik-shyǵystan soǵatyn jeldiń ekpini 15-20 m/s jetedi.
Pavlodar oblysynyń soltústigi men shyǵysynda jaýyn-shashyn (qar, jańbyr) jáne kóktaıǵaq bolady. Túnde jáne tańerteń oblystyń batysy men ońtústiginde tuman kútiledi. Oblystyń batysy, soltústigi jáne shyǵysynda ońtústik-batystan soǵatyn jeldiń ekpini 15-20 m/s bolady.
Qyzylorda oblysynda soltústik-shyǵystan jel soǵady, kúndiz ortalyq bóliginde shyǵystan soǵatyn jel bolady, oblystyń ońtústiginde jeldiń ekpini 15-20 m/s kúsheıedi.
Soltústik Qazaqstan oblysynyń soltústigi men shyǵysynda azdaǵan qar jaýady, kóktaıǵaq bolady. Oblystyń batysy, soltústigi jáne ońtústiginde tuman bolady. Bul aımaqtarda ońtústik-batystan soǵatyn jeldiń ekpini 15-20 m/s jetedi.
Almaty oblysynyń ońtústiginde, taý bókteri men taýly aımaqtarynda keı jerlerde tuman bolady. Ońtústik-batystan soǵatyn jel ońtústikte soltústik-shyǵysqa aýysyp, taýly aımaqtarda ekpini 18 m/s jetedi.
Eske sala keteıik, buǵan deıin aýa raıyna baılanysty úsh oblysta jol qozǵalysy shektelgenin habarlaǵan edik.
