Tuman túsip, kóktaıǵaq bolady: 29 jeltoqsanǵa arnalǵan aýa raıy boljamy

ASTANA. KAZINFORM — Qazgıdromet 29 jeltoqsanda elimizdiń birqatar óńirinde daýyldy eskertý jarııalady.

Sınoptıkterdiń boljamy boıynsha,29 jeltoqsanda kúndiz Jetisý oblysynda ońtústik-shyǵystan jel soǵady, Alakól kólderi aýdandarynda ekpini 15-20 m/s.

Ulytaý oblysynyń soltústiginde, shyǵysynda tuman túsedi.

Qaraǵandy oblysynyń batysynda, shyǵysynda, ortalyǵynda tuman túsedi.

Almaty oblysynyń batysynda, shyǵysynda ońtústik-batystan jel soǵady, keı ýaqytta ekpini 15-20 m/s bolady. Qonaev q.alasynda kúndiz ońtústik-batystan jel soǵady, ekpini 15-20 m/s.

Mańǵystaý oblysynda kúndiz oblystyń batysynda, ońtústiginde, ortalyǵynda kóktaıǵaq bolady. Oblystyń ońtústiginde, ortalyǵynda tuman túsedi. Aqtaý qalasynda kóktaıǵaq bolady.

Aqtóbe oblysynyń soltústiginde, shyǵysynda, ońtústiginde tuman, kóktaıǵaq bolady. Aqtóbede keı ýaqyttarda tuman, kóktaıǵaq bolady.

Túrkistan oblysynyń batysynda, ońtústiginde, taýly jáne taý bókterli aýdandarynda tuman túsedi. Ońtústik-shyǵystan ońtústik-batysqa aýysatyn jel soǵady, kúndiz oblystyń ońtústiginde, taýly aýdandarynda kúshi 15-20 m/s. Shymkentte túnde jáne tańerteń tuman túsedi. Túrkistanda 29 jeltoqsanda túnde jáne tańerteń tuman bolady.

Atyraý oblysynyń batysynda, ońtústiginde tuman, kóktaıǵaq bolady. Atyraý q.alasynda túnde kóktaıǵaq bolady.

Kúndiz Qyzylorda oblysynyń ońtústiginde kóktaıǵaq bolady.

Batys Qazaqstan oblysynyń batysynda, ońtústiginde, soltústiginde kóktaıǵaq bolyp, tuman túsedi. Oralda kóktaıǵaq, tuman bolady.

Aýa raıyna baılanysty eki oblysta jol jabylǵanyn jazǵan bolatynbyz.