Tuman basyp, burqasyn bolady — Qazgıdromet 15 óńirde eskertý jasady

ASTANA. KAZINFORM — «Qazgıdromet» 23 aqpanda kún raıynyń nasharlaýyna baılanysta birqatar oblysta daýyldy eskertý jarııalady.

23 aqpanda Qyzylorda oblysynyń ortalyǵynda, ońtústiginde, soltústiginde tuman, kóktaıǵaq kútiledi. Qyzylorda qalasynda keı ýaqyttarda tuman, túnde kóktaıǵaq kútiledi.

Aqtóbe oblysynda túnde qar, oblystyń soltústiginde, ońtústiginde, ortalyǵynda qatty qar, kúndiz oblystyń soltústiginde, shyǵysynda qar kútiledi. Oblystyń soltústiginde, shyǵysynda, ortalyǵynda jaıaý burqasyn, túnde oblysytyń ońtústik-shyǵysynda kóktaıǵaq kútiledi. Soltústik-shyǵystan soǵatyn jel ońtústik-batysqa aýysady, túnde oblystyń soltústiginde, shyǵysynda, ortalyǵynda ekpini 15-20 m/s jetedi. Aqtóbe qalasynda 23 aqpanda qar, túnde qalyń qar, jaıaý burqasyn kútiledi. Soltústik-shyǵystan soǵatyn jel ońtústik-batysqa aýysady, túnde ekpini 15-20 m/s barady.

Batys Qazaqstan oblysynda túnde qar, oblystyń soltústiginde qatty qar, kúndiz oblystyń batysynda, soltústiginde, shyǵysynda qar kútiledi. Oblystyń batysynda, soltústiginde, shyǵysynda jaıaý burqasyn kútiledi. Jel soltústik-shyǵystan ońtústik-shyǵysqa aýysyp soǵady, túnde oblystyń soltústiginde, shyǵysynda ekpini 15-20 m/s. Oral qalasynda qar, jaıaý burqasyn kútiledi.

23 aqpanda Almaty oblysynda ońtústik-shyǵystan soǵatyn jel ońtústik-batys baǵytqa aýysady, kúndiz oblystyń shyǵysynda ekpini 17-22 m/s jetedi.

Qostanaı oblysynyń batysynda, soltústiginde, shyǵysynda qar, jaıaý burqasyn, oblystyń ońtústiginde jaýyn-shashyn (qar, jańbyr), kóktaıǵaq, tuman kútiledi. Soltústik-shyǵystan jel soǵady, oblystyń batysynda, soltústiginde, shyǵysynda ekpini 15-20 m/s kútiledi. Qostanaı qalasynda 23 aqpanda tańerteń jáne kúndiz qar, jaıaý burqasyn kútiledi. Soltústik-shyǵystan jel soǵady, kúndiz ekpini 15-20 m/s kútiledi.

Tańerteń jáne kúndiz Aqmola oblysynyń batysynda, ońtústiginde qar, jaıaý burqasyn kútiledi. Oblystyń batysynda, soltústik-shyǵysynda tuman kútiledi. Soltústik-shyǵystan, shyǵystan jel soǵady, oblystyń batysynda, solústiginde ekpini 15-20 m/s.

23 aqpanda túnde jáne tańerteń Atyraý oblysynyń soltústiginde, shyǵysynda jaıaý burqasyn kútiledi.

Shyǵys Qazaqstan oblysynyń soltústiginde, ońtústiginde tuman kútiledi. Jel shyǵystan, ońtústik-shyǵystan soǵady, oblystyń ońtústik-shyǵysynda 15-18 m/s. Óskemen qalasynda túnde jáne tańerteń tuman kútiledi.

Túnde jáne tańerteń Abaı oblysynyń soltústiginde, shyǵysynda tuman kútiledi. Jel shyǵystan, ońtústik-shyǵystan soǵady, oblystyń ońtústiginde, ortalyǵynda 15-20, ekpini 23 m/s.

Túnde jáne tańerteń Jambyl oblysynyń taýly aýdandarynda jaýyn-shashyn (jańbyr, qar), kóktaıǵaq kútiledi. Túnde jáne tańerteń oblystyń soltústiginde, ońtústiginde, taýly aýdandarynda tuman kútiledi. Soltústik-shyǵystan jel soǵady, oblystyń ontústik-batysynda, soltústik-shyǵysynda, taýly aýdandarynda 15-20 m/s kútiledi. Taraz qalasynda túnde jáne tańerteń tuman kútiledi.

Kúndiz Qaraǵandy oblysynyń batysynda jaýyn-shashyn, oblystyń soltústiginde azdaǵan jaýyn-shashyn (jańbyr, qar), jaıaý burqasyn, kóktaıǵaq kútiledi. Oblystyń batysynda, soltústiginde tuman. Shyǵystan, ońtústik-shyǵystan jel soǵady, túnde oblystyń batysynda ekpini 15-18 m/s. Qaraǵandy qalasynda kúndiz azdaǵan jaýyn-shashyn (jańbyr, qar), kóktaıǵaq kútiledi.

Túnde Ulytaý oblysynyń batysynda, ońtústiginde, ortalyǵynda qar, jaıaý burqasyn, kúndiz oblystyń soltústiginde, ortalyǵynda jaýyn-shashyn, oblystyń shyǵysynda azdaǵan jaýyn-shashyn (jańbyr, qar), jaıaý burqasyn, kóktaıǵaq kútiledi. Oblystyń batysynda, soltústiginde, ortalyǵynda tuman. Shyǵystan, ońtústik-shyǵystan jel soǵady, túnde oblystyń batysynda, soltústiginde, shyǵysynda ekpini 15-18 m/s. Jezqazǵan qalasynda 23 aqpanda túnde qar, kúndiz jaýyn-shashyn (jańbyr, qar), kóktaıǵaq kútiledi. Jaıaý burqasyn.

23 aqpanda Mańǵystaý oblysynyń batysynda, soltústiginde, ortalyǵynda tuman, joldarda kóktaıǵaq kútiledi. Aqtaý qalasynda joldarda kóktaıǵaq kútiledi.

Pavlodar oblysynyń soltústiginde, batysynda, ońtústiginde jaıaý burqasyn kútiledi. Túnde oblystyń shyǵysynda tuman kútiledi. Soltústik-shyǵystan jel soǵady, kúndiz oblystyń soltústiginde, batysynda ekpini 15-20 m/s kútiledi

Soltústik Qazaqstan oblysynyń batysynda, ońtústiginde, shyǵysynda jaıaý burqasyn kútiledi. Soltústik-shyǵystan jel soǵady, oblystyń batysynda, ońtústiginde, soltústiginde ekpini 15-20 m/s jetedi. Petropavl qalasynda soltústik-shyǵystan jel soǵady, kúndiz ekpini 15-20 m/s kútiledi.

Eske salsaq, osyǵan deıin búgin elimizdiń birqatar óńirinde kún raıy nasharlap, joldar jabylǵanyn habarlaǵan edik.