Tuman, shańdy daýyl, úsik: 14 óńirdiń turǵyndaryna eskertý jasaldy
ASTANA. KAZINFORM — «Qazgıdromet» sınoptıkteri 2026 jylǵy 20 sáýirde Qazaqstannyń 14 oblysynda, sondaı-aq Almaty taýlarynda qolaısyz aýa raıyna baılanysty eskertý jarııalady.
Almaty oblysynyń ońtústiginde, taýly aımaqtarynda tuman kútiledi. Oblystyń shyǵys jáne taýly óńirlerinde jeldiń ekpini 15–20 m/s-qa deıin jetedi. Túnde soltústiginde jáne taý bókterinde aýa temperatýrasy -2 gradýsqa deıin tómendep, úsik júrýi múmkin.
Almaty qalasynyń Medeý jáne Bostandyq aýdandarynda túnde jáne tańerteń tuman bolady, jeldiń ekpini 15–20 m/s deıin barýy yqtımal.
Ulytaý oblysynyń soltústiginde, shyǵysynda jáne ortalyǵynda tuman kútiledi. Jezqazǵanda da túngi jáne tańǵy ýaqytta tuman bolady.
Qaraǵandy oblysynyń batysynda, soltústiginde jáne shyǵysynda túnde jáne tańerteń tuman túsedi. Qaraǵandy qalasynda da osy ýaqytta tuman saqtalady.
Aqtóbe oblysynyń batysynda, soltústiginde jáne ortalyǵynda kúndiz jańbyr, naızaǵaı kútiledi. Jeldiń ekpini 15–20 m/s-qa deıin jetedi. Aqtóbede de kúndiz jańbyr men naızaǵaı boljanyp otyr.
Jetisý oblysynyń soltústigi men shyǵysynda joǵary órt qaýpi saqtalady, al ońtústiginde tótenshe órt qaýpi kútiledi.
Atyraý oblysynyń batysynda, soltústiginde jáne ońtústiginde jańbyr, naızaǵaı bolady. Túnde jáne tańerteń batysynda tuman kútiledi. Jeldiń ekpini 15–20 m/s. Atyraýda túnde jańbyr, naızaǵaı boljanyp otyr.
Qyzylorda oblysynyń soltústigi men ortalyǵynda kúndiz shańdy daýyl kútiledi. Jeldiń jyldamdyǵy 15–20 m/s deıin jetedi.
Jambyl oblysynyń ońtústigi men taýly aımaqtarynda tuman bolady. Jeldiń ekpini 15–20 m/s. Oblystyń batysynda joǵary órt qaýpi saqtalady.
Túrkistan oblysynyń soltústigi men taýly óńirlerinde túnde -2 gradýsqa deıin úsik júrýi múmkin. Batysynda joǵary órt qaýpi saqtalady.
Soltústik Qazaqstan oblysynyń shyǵysy men ońtústiginde túnde jáne tańerteń tuman kútiledi. Jeldiń ekpini 15–20 m/s. Petropavlda da kúndiz jel kúsheıedi.
Shyǵys Qazaqstan oblysynyń soltústiginde túnde jáne tańerteń tuman bolady.
Abaı oblysynda da túnde jáne tańerteń tuman kútiledi.
Mańǵystaý oblysynyń soltústiginde, shyǵysynda jáne ortalyǵynda jańbyr, naızaǵaı boljanyp otyr. Túnde jáne tańerteń ońtústik-batysynda tuman túsedi. Batysynda jáne soltústik-shyǵysynda shańdy daýyl kútiledi. Jeldiń ekpini 15–20 m/s. Aqtaýda kúndiz keı ýaqyttarda shańdy daýyl bolady.
Batys Qazaqstan oblysynda jańbyr men naızaǵaı kútiledi. Jeldiń ekpini 15–20 m/s. Oralda da kúndiz jaýyn-shashyn bolady.
Buǵan deıin Shyǵys Qazaqstan oblysynda mamyrda aýa temperatýrasy kúrt qubylatyny belgili boldy.
