Tuman, kóktaıǵaq: Qazaqstannyń 13 óńiri men Astanada eskertý jarııalandy

ASTANA. KAZINFORM - Sınoptıkter elimizdiń aımaqtarynda kún raıyna baılanysty eskertý jasady.

«Qazgıdromet» RMK-nyń boljamyna qaraǵanda, 16 naýryzda Astanada túnde jáne tańerteń tuman túsedi.

Abaı oblysynyń batysynda, soltústiginde jáne ortalyǵynda túnde jáne tańerteń qar jaýyp, jaıaý burqasyn men kóktaıǵaq bolady. Oblystyń soltústigi men ońtústiginde tuman túsedi. Jel soltústik-batystan soǵyp, keıin soltústik-shyǵysqa aýysady. Kúndiz oblystyń ońtústik-batysynda jeldiń jyldamdyǵy 15–20 m/s jetedi.

Aqtóbe oblysynyń soltústigi men shyǵysynda tuman túsedi. Jel ońtústik-shyǵystan soǵyp, keıin soltústik-shyǵysqa aýysady. Kúndiz oblystyń batysy men ońtústiginde jeldiń ekpini 15 m/s-qa deıin kúsheıedi.

Aqmola oblysynyń batysynda, soltústiginde jáne ońtústiginde tuman túsip, joldarda kóktaıǵaq bolady.

Atyraý oblysynyń shyǵysynda túnde jáne tańerteń tuman túsýi yqtımal. Oblystyń batysynda, ońtústiginde jáne shyǵysynda shańdy daýyl turýy múmkin. Jel shyǵys jáne ońtústik-shyǵys baǵyttan soǵyp, ekpini 15–20 m/s-qa jetedi.

Shyǵys Qazaqstan oblysynyń soltústiginde túnde jáne tańerteń qar jaýyp, jaıaý burqasyn jáne kóktaıǵaq bolady. Óńirdiń soltústik jáne shyǵys bóliginde tuman túsedi.

Jambyl oblysynyń ońtústigi men taýly aýdandarynda tuman bolady. Soltústik-shyǵys jeli oblystyń ońtústik-batysynda, soltústik-shyǵysynda jáne taýly aımaqtarynda 15–20 m/s-qa deıin kúsheıip, kúndiz ekpini 23 m/s-qa jetýi múmkin.

Batys Qazaqstan oblysynyń batysynda, soltústiginde jáne ońtústiginde tuman túsedi. Jel shyǵys jáne ońtústik-shyǵys baǵyttan soǵyp, kúndiz ekpini 15–20 m/s bolady.

Qostanaı oblysynyń aýmaǵynda tuman túsedi.

Qyzylorda oblysynyń soltústiginde tuman túsedi. Jel soltústik-shyǵys jáne shyǵys baǵyttan soǵyp, kúndiz oblystyń ortalyǵy men shyǵysynda 15–20 m/s-qa deıin kúsheıedi.

Mańǵystaý oblysy soltústiginde, ońtústiginde jáne ortalyǵynda shańdy daýyl turady. Ońtústik-shyǵys jeli 15–20 m/s-qa deıin kúsheıip, kúndiz keı jerlerde ekpini 23 m/s-qa jetedi.

Pavlodar oblysynyń ońtústigi men shyǵysynda túnde kóktaıǵaq bolýy múmkin. Oblystyń batysynda, ońtústiginde jáne shyǵysynda tuman túsedi.

Soltústik Qazaqstan oblysynyń batysynda, soltústiginde jáne ońtústiginde tuman túsedi.

Túrkistan oblysy batysynda, soltústiginde, ońtústiginde jáne taýly aýdandarynda tuman bolady. Soltústik-shyǵys jeli oblystyń batysynda, ońtústiginde jáne taýly aımaqtarynda 15–20 m/s-qa deıin kúsheıedi.

Osyǵan deıin elimizdiń kóp bóliginde tuman túsip, jel kúsheıetini týraly jazdyq.