Tuman, kúshti jel, kóktaıǵaq – dúısenbige arnalǵan aýa raıy
NUR-SULTAN. QazAqparat – Dúısenbi aýa temperatýrasy jylynady, alaıda tuman túsip, jel kúsheıedi, kóktaıǵaq bolyp, boran soǵýy yqtımal, dep habarlaıdy QazAqparat Qazgıdrometke silteme jasap.
11 qańtarda jyly jáne ylǵaldy Atlant tsıklonyna baılanysty aýa temperatýrasy joǵarylaıdy, sonymen qatar respýblıkanyń soltústiginde basym bóliginde, ortalyǵynda keı jerlerde qar jaýady, batys pen soltústik- batysynda jańbyr men qar túrinde jaýyn-shashyn bolady. Respýblıkanyń keı jerlerinde tuman túsedi, jel kúsheıip, boran soǵady, kóktaıǵaq bolýy yqtımal.
Batys Qazaqstan, Aqmola, Pavlodar, Qaraǵandy oblystarynyń keı jerlerinde boran soǵyp, tuman túsedi, kóktaıǵaq bolýy múmkin, jel 15-20 m/s kúsheıedi, Aqmola oblysynyń soltústiginde ekpini 23-28 m/s jetedi. Qostanaı, Soltústik Qazaqstan oblystarynyń keı jerlerinde burqasyn soǵady, tuman túsýi múmkin, jel 15-20 m/s kúsheıedi.
Jambyl, Almaty oblystarynyń keı jerlerinde tuman túsedi, jel 15-22 m/s kúsheıedi.
Mańǵystaý, Atyraý, Aqtóbe oblystarynyń keı jerlerinde tuman túsedi, kóktaıǵaq bolady, Aqtóbe oblysynda jaıaý burqasyn soǵýy múmkin. Túrkistan, Qyzylorda oblystarynyń keı jerlerinde tuman túsýi yqtımal. Shyǵys Qazaqstan oblysynyń keı jerlerinde jaıaý burqasyn soǵady, jeldi kúsheıip 15-20, ekpini 25 m/s jetedi.
