Tuman, kóktaıǵaq, jel: Qazgıdromet búgingi aýa raıy boljamyn jarııalady

ASTANA. KAZINFORM – «Qazgıdromet» RMK-sy naýryzdyń 19-y kúngi kún raıy boljamyn jarııalady.

Kásiporynnyń derekterine qaraǵanda, elimizdiń basym bóliginde joǵary atmosferalyq qysym áserinen kún jaýyn-shashynsyz bolady.

Tek eldiń batysynda, soltústik-batysynda atmosferalyq frontaldy bólikterdiń ótýine oraı kún qubylyp turady, jańbyr jaýady.

Eldiń soltústiginde, ortalyǵynda tuman, soltústiginde, shyǵysynda, ortalyǵynda jel kúsheıedi, soltústiginde kóktaıǵaq, ońtústik-batysynda kúndiz shańdy daýyl kóteriledi.

Osyǵan deıin elimizdiń birqatar óńirinde aýa raıyna baılanysty eskertý jarııalanǵanyn habarladyq.