Tuman, kóktaıǵaq, jel: Dúısenbide jaýyn-shashyn jaýmaıdy

ASTANA. QazAqparat - Qazgıdromet sınoptıkteri 27 aqpan, dúısenbige arnalǵan aýa raıy boljamyn usyndy, dep habarlaıdy QazAqparat.

Búgin Qazaqstan aýmaǵynyń basym bóligi aýqymdy antıtsıklon yqpalynda bolǵandyqtan jaýyn-shashyn jaýmaıdy.

Tek atmosferalyq fronttardyń áserinen respýblıkamyzdyń batys jartysynda jaýyn-shashyn (jańbyr, qar) jaýady, kóktaıǵaq bolady.

Elimizdiń qıyr soltústiginde qar jaýyp, jaıaý burqasyn soǵady.

Respýblıka aýmaǵy boıynsha tuman túsedi, jel kúsheıedi.