Tuman, kóktaıǵaq, jel: 22 jeltoqsanǵa arnalǵan aýa raıy boljamy jarııalandy

Qazgıdromet el aýmaǵynda 22 jeltoqsanda bolatyn qaýipti meteorologııalyq qubylystarǵa boljam jasady, dep habarlaıdy Kazinform.

Atmosferalyq frontaldy bólikterdiń ótýine baılanysty, elimizdiń batysynda, soltústiginde, shyǵysynda turaqsyz aýa raıy saqtalady, jaýyn-shashyn (jańbyr, qar) kútiledi.

«Respýblıkamyzdyń qalǵan aımaqtarynda jaýyn-shashynsyz aýa raıy bolady. QR boıynsha tuman túsip, kóktaıǵaq bolady. Ekpindi jel soǵyp, soltústikte jaıaý burqasyn saqtalady.

Tańerteń jáne kúndiz Jambyl oblysynyń soltústik-shyǵysynda, kúndiz Jetisý oblysynyń Alakól aýdandarynda óte qatty jel turyp, keı ýaqyttarda 30 m/s jáne odan asyp túsedi», — dep jazdy sınoptıkter.