Tuman, kóktaıǵaq: aýa raıyna baılanysty birqatar óńirde eskertý jarııalandy

ASTANA. KAZINFORM - Qazgıdromet 7 aqpanda eldiń basym bóliginde qolaısyz aýa raıyna baılanysty eskertý jarııalady.

Sınoptıkterdiń boljamy boıynsha, Pavlodar oblysynda qar jaýady, jaıaý burqasyn, kóktaıǵaq bolady. Batystan jel soǵady, túnde oblystyń ońtústiginde, shyǵysynda ekpini 15-20 m/s. Pavlodarda túnde qar, jaıaý burqasyn, kóktaıǵaq bolady.

Jetisý oblysynyń taýly aýdandarynda jaýyn-shashyn (jańbyr, qar) jaýady. Oblystyń soltústiginde, shyǵysynda, ortalyǵynda, taýly aýdandarynda keı ýaqyttarda tuman, kóktaıǵaq, jaıaý burqasyn bolady. Batystan jel soǵady, oblystyń shyǵysynda, taýly aýdandarynda ekpini 15-20 m/s. Taldyqorǵanda keı ýaqyttarda tuman, kóktaıǵaq bolady.

Mańǵystaý oblysynda ońtústik-shyǵystan jel soǵady, oblystyń batysynda, soltústiginde, ońtústiginde ekpini 15-20 m/s. Aqtaý da ońtústik-shyǵystan jel soǵady ekpini 15-20 m/s.

Ulytaý oblysynyń shyǵysynda qar, jaıaý burqasyn bolady. Oblystyń soltústiginde, ortalyǵynda tuman túsedi. Soltústik-batystan soǵatyn jel soltústik-shyǵysqa aýysady, túnde oblystyń shyǵysynda ekpini 15–20 m/s.

Qaraǵandy oblysynyń batysynda, soltústiginde, shyǵysynda qar, jaıaý burqasyn bolady. Joldarda kóktaıǵaq bolady. Oblystyń batysynda, ońtústiginde tuman túsedi. Ońtústik-batystan, batystan jel soǵady, túnde oblystyń batysynda, soltústiginde, shyǵysynda ekpini 15-20 m/s. Qaraǵandyda túnde qar jaýady, jaıaý burqasyn júredi. Joldarda kóktaıǵaq bolady. Ońtústik-batystan, batystan jel soǵady, túnde ekpini 15 m/s.

Almaty oblysynyń ońtústiginde, taýly aýdandarynda keı ýaqyttarda jaýyn-shashyn (jańbyr, qar), kóktaıǵaq bolady. Oblystyń soltústiginde, ońtústiginde, taýly aýdandarynda keı ýaqyttarda tuman túsedi. Ońtústik-batystan soǵatyn jel soltústik-batysqa aýysady, oblystyń ońtústiginde ekpini 15-20 m/s.

Almatyda keı ýaqyttarda kóktaıǵaq, tuman bolady. Qonaevta keı ýaqyttarda kóktaıǵaq bolady, tuman túsedi.

Jambyl oblysynyń ońtústiginde, shyǵysynda, taýly aýdandarynda qar, jaıaý burqasyn, kóktaıǵaq, kúndiz oblystyń ońtústiginde, shyǵysynda, taýly aýdandarynda jaýyn-shashyn (jańbyr, qar), jaıaý burqasyn, kóktaıǵaq bolady. Keı ýaqyttarda tuman túsedi. Ońtústik-batystan soǵatyn jel soltústik-shyǵysqa aýysady, túnde oblystyń ońtústik-batysynda, soltústik-shyǵysynda, taýly aýdandarynda 15-20 m/s, ekpini 25 m/s, kúndiz oblystyń taýly aýdandarynda 15-20 m/s. Tarazda keı ýaqyttarda tuman, kúndiz kóktaıǵaq bolady.

Batys Qazaqstan oblysynyń batysynda, soltústiginde, shyǵysynda tuman, kóktaıǵaq bolady. Oralda tuman túsedi, kóktaıǵaq bolady.

Atyraý oblysynyń soltústiginde, ońtústiginde, shyǵysynda tuman túsedi. Ońtústik-shyǵystan jel soǵady, kúndiz oblystyń batysynda, ońtústiginde, shyǵysynda ekpini 15-20 m/s. Atyraýda túnde jáne tańerteń tuman bolady.

Aqtóbe oblysynyń soltústiginde, ońtústiginde, shyǵysynda tuman túsedi. Aqtóbede túnde jáne tańerteń tuman bolady.

Qyzylorda oblysynyń ortalyǵynda, soltústiginde, ońtústiginde kóktaıǵaq, tuman bolady. Qyzylordada keı ýaqytta kóktaıǵaq bolady, tuman túsedi.

Túrkistan oblysynyń ońtústiginde, taýly aýdandarynda kóktaıǵaq bolady. Oblystyń batysynda, soltústiginde, taýly aýdandarynda tuman túsedi. Soltústik-shyǵystan jel soǵady, túnde jáne tańerteń oblystyń taý asýlarynda kúshi 15-20 m/s. Túrkistanda keı ýaqyttarda tuman túsedi.

Shymkentte keı ýaqyttarda tuman bolady.

Abaı oblysynda qar, burqasyn, kóktaıǵaq bolady. Oblystyń shyǵysynda, ońtústiginde keı ýaqyttarda qar, kúndiz oblystyń soltústiginde, shyǵysynda, ońtústiginde qar, burqasyn, kóktaıǵaq bolady. Túnde jáne tańerteń oblystyń ońtústiginde tuman túsedi. Jel ońtústikten, ońtústik-batystan soǵady, oblystyń batysynda, soltústiginde, ortalyǵynda 15-20, túnde ekpini 23-28 m/s. Semeıde túnde jáne tańerteń qar, burqasyn, kóktaıǵaq bolady. Jel ońtústikten, ońtústik-batystan soǵady, túnde jáne tańerteń ekpini 15-20 m/s.

Shyǵys Qazaqstan oblysynda qar, burqasyn, kóktaıǵaq bolady, oblystyń batysynda, soltústiginde keı ýaqyttarda qar jaýady. Túnde jáne tańerteń oblystyń ońtústiginde tuman túsedi. Jel shyǵystan, ońtústik-shyǵystan soǵady, oblystyń batysynda, soltústiginde, ońtústik-shyǵysynda 15-20, túnde ekpini 23-28 m/s. Óskemende qar, burqasyn, kóktaıǵaq bolady. Jel ońtústik-shyǵystan soǵady, túnde jáne tańerteń ekpini 15-20 m/s.

Qostanaı oblysynyń batysynda, soltústiginde, shyǵysynda tuman túsedi.

Astanada túnde qar jaýady, jaıaý burqasyn júredi. Joldarda kóktaıǵaq bolady.

Aqmola oblysynyń ońtústiginde, shyǵysynda qar, jaıaý burqasyn bolady. Oblystyń batysynda, soltústiginde, shyǵysynda tuman túsedi. Joldarda kóktaıǵaq bolady. Batystan jel soǵady, túnde oblystyń ońtústiginde, shyǵysynda ekpini 15-20 m/s.

Aıta keteıik, QazAvtoJol aýa raıyna baılanysty eki oblysta kólik qozǵalysyna shekteý qoıylǵanyn habarlady.