Tuman, kóktaıǵaq, jaıaý burqasyn: 24 qarashada aýa raıy qandaı bolady

ASTANA. KAZINFORM – Qazgıdromet 24 qarashada aýa raıyna baılanysty 16 óńirde daýyldy eskertý jarııalady.

Sınoptıkterdiń boljamy boıynsha, túnde jáne tańerteń Atyraý oblysynyń batysynda, soltústiginde, ońtústiginde jáne ortalyǵynda da tuman túsedi.

Túnde Aqmola oblysynyń shyǵysynda, ortalyǵynda qatty jaýyn-shashyn (jańbyr, qar), oblystyń soltústiginde, shyǵysynda, ortalyǵynda kóktaıǵaq bolyp, jaıaý burqasyn júredi. Oblystyń batysynda, ońtústiginde, shyǵysynda tuman túsý yqtımaldylyǵy joǵary. Túnde jáne kúndiz oblystyń soltústiginde, shyǵysynda ońtústik-batystan soltústik-shyǵysqa oıysa soqqan jeldiń ekpini 15-20 m/s, keı tusta 23 m/s deıin jetedi. Kókshetaýda 24 qarashada túnde jáne tańerteń kóktaıǵaq bolyp, ońtústik-batystan soltústik-shyǵysqa oıysa jel soǵady, túndegi ekpini - 15-20 m/s.

Túnde jáne tańerteń Túrkistan oblysynyń ońtústiginde, taýly aýdandarynda tuman túsedi.

Túnde Soltústik Qazaqstan oblysynda jaýyn-shashyn (jańbyr, qar), oblystyń batysynda, soltústiginde, shyǵysynda tuman, qóktaıǵaq bolyp, jaıaý burqasyn júredi. Soltústik-batystan, batystan soqqan jeldiń túndegi ekpini 15-20 m/s, oblystyń ońtústigindegi ekpini 23 m/s bolady. Petropavlda 24 qarashada túnde jaýyn-shashyn (jańbyr, qar), kóktaıǵaq, tuman bolyp, jaıaý burqasyn júredi. Soltústik-batystan, batystan jel soǵady, túndegi ekpini - 15-20 m/s.

Túnde jáne tańerteń Almaty oblysynyń ortalyǵynda, ońtústiginde tuman túsedi.

Túnde Shyǵys Qazaqstan oblysynyń soltústiginde, shyǵysynda azdap qar jaýady, kúndiz jaýyn-shashyn (jańbyr, qar) bolady. Túnde oblystyń soltústiginde kóktaıǵaq bolady, jaıaý burqasyn júredi dep boljanady. Oblystyń soltústiginde, shyǵysynda ońtústik-shyǵystan ońtústik-batysqa oıysa soqqan jeldiń ekpini 15-20 m/s, kúndiz keı tusta 25 m/s bolady. Óskemende 24 qarashada kúndiz jaýyn-shashyn (jańbyr, qar), kóktaıǵaq bolady, jaıaý burqasyn júredi. Ońtústik-shyǵystan ońtústik-batysqa oıysa jel soǵady, ekpini - 15-20 m/s.

Túnde Abaı oblysynyń batysynda, soltústiginde, kúndiz oblystyń shyǵysynda, ortalyǵynda jaýyn-shashyn (jańbyr, qar), kóktaıǵaq bolyp, jaıaý burqasyn júredi. Oblystyń batysynda, soltústiginde, ortalyǵynda ońtústik-batystan soltústik-batysqa oıysa soqqan jeldiń ekpini 15-20 m/s, keı tustaǵy ekpini 23-28 m/s deıin jetedi. Semeıde 24 qarashada jaýyn-shashyn (jańbyr, qar), kóktaıǵaq bolyp, jaıaý burqasyn júredi. Ońtústik-batystan soltústik-batysqa oıysa soqqan jel ekpini 15-20 m/s bolady.

Pavlodar oblysynda jaýyn-shashyn (jańbyr, qar), oblystyń batysynda, ońtústiginde, shyǵysynda tuman, kóktaıǵaq bolyp, jaıaý burqasyn júredi. Ońtústik-batystan soltústik-batysqa oıysa soqqan jeldiń ekpini 15-20 m/s, oblystyń ońtústiginde 23 m/s quraıdy. Pavlodarda 24 qarashada kúndiz kóktaıǵaq bolyp, ońtústik-batystan soltústik-batysqa oıysa jel soǵady, ekpini - 15-20 m/s.

Túnde jáne tańerteń Aqtóbe oblysynyń soltústiginde tuman túsedi.

Ulytaý oblysynyń soltústiginde, shyǵysynda, ortalyǵynda keı ýaqyttarda tuman túsedi. Ońtústik-batystan soqqan jeldiń oblystyń soltústiginde ekpini 15-20 m/s qamtıdy. Jezqazǵanda 24 qarashada keı ýaqyttarda tuman bolady dep boljanady.

Batys Qazaqstan oblysynda jáne ortalyǵynda da tuman túsedi.

Astanada 24 qarashada kóktaıǵaq, tuman bolady dep boljanady. Ońtústik-batystan soltústik-shyǵysqa oıysa jel soǵady, túnde jáne tańerteńgi ekpini - 15-20 m/s.

Túnde Qostanaı oblysynyń soltústiginde, shyǵysynda jaýyn-shashyn (jańbyr, qar), kóktaıǵaq, oblystyń batysynda, soltústiginde, shyǵysynda tuman bolady, jaıaý burqasyn júredi. Túnde oblystyń shyǵysynda, ońtústiginde batystan, ońtústik-batystan jel soǵady, ekpini - 15-20 m/s. Qostanaıda 24 qarashada túnde kóktaıǵaq bolady.

Qaraǵandy oblysynyń soltústiginde, shyǵysynda jaýyn-shashyn (jańbyr, qar), kóktaıǵaq, tuman bolyp, jaıaý burqasyn júredi. Oblystyń soltústiginde, shyǵysynda ońtústik-batystan jel soǵady, ekpini - 15-20 m/s. Qaraǵandyda 24 qarashada tańerteń jáne kúndiz jaýyn-shashyn (jańbyr, qar), kóktaıǵaq, tuman bolady, jaıaý burqasyn júredi dep kútiledi. Ońtústik-batystan jel soǵady, túnde jáne tańerteńgi ekpini - 15-20 m/s.

Túnde jáne tańerten Jetisý oblysynyń ortalyǵynda, taýly aýdandarynda tuman túsedi. Ońtústik-batystan jel soǵady, Alakól kólderi aýdandaryndaǵy ekpini 17-22 m/s bolady. Taldyqorǵanda 24 qarashada túnde jáne tańerten tuman bolady dep boljanady.

Qyzylorda oblysynyń ortalyǵynda, ońtústiginde, soltústiginde jáne ortalyǵynda da tuman túsedi.

24-25 qarashada Jambyl oblysynyń ońtústiginde, taýly aýdandarynda tuman bolady dep boljanady. Ońtústik-shyǵystan soltústik-shyǵysqa oıysa jel soǵady, 25 qarashada kúndiz oblystyń ońtústik-batysynda, soltústik-shyǵysynda, taýly aýdandarynda soqqan jeldiń ekpini 15-20 m/s quraıdy. Tarazda 24-25 qarashada keı ýaqyttarda tuman bolady.

Aıta keteıik, SQO-da bıyl qarasha aıynda rekordtyq temperatýralyq kórsetkishter jańartyldy.