«Tuman, kóktaıǵaq, jańbyr»: Qazaqstannyń 14 óńirinde daýyldy eskertý jarııalandy

ASTANA. KAZINFORM – Sınopıkter 18 qazanda Almaty men Qazaqstannyń 14 oblysynda daýyldy eskertý jarııalady. Bul týraly «Qazgıdromet» RMK-niń baspasóz qyzmeti habarlady. 

Túnde jáne tańerteń Ulytaý oblysynyń ortalyǵynda, shyǵysynda tuman túsedi dep kútiledi. Jezqazǵanda da túnde jáne tańerteń tuman bolýy yqtımal.

Túnde jáne tańerteń Qaraǵandy oblysynyń soltústiginde, shyǵysynda, ońtústiginde tuman túsedi dep kútiledi.

Túnde Batys Qazaqstan oblysynyń batysynda, ońtústiginde, kúndiz basym bóliginde naızaǵaı oınap, kún raıy buzylady dep boljanady. Túnde jáne tańerteń oblystyń batysynda, soltústiginde tuman túsýi yqtımal. Kúndiz oblystyń batysynda, ońtústiginde, soltústiginde ońtústik-shyǵystan soqqan jeldiń ekpini 15-20 m/s quraıdy. Oralda kúnniń ekinshi jartysynda naızaǵaı oınaıdy dep kútiledi. Túnde jáne tańerteń tuman túsedi. Jel ońtústik-shyǵystan soǵady, kúndizgi ekpini - 18 m/s.

Túnde jáne tańerteń Almaty oblysynyń ońtústiginde, taý etegindegi, taýly aýdandarynda tuman túsedi dep kútiledi.

Almatyda túnde jáne tańerteń tuman bolady.

Aqtóbe oblysynda ońtústik-shyǵystan, shyǵystan jel soǵady, kúndiz oblystyń ortalyǵynda, ońtústiginde soqqan jeldiń ekpini 15-18 m/s quraıdy.

Qyzylorda oblysynyń ortalyǵynda shańdy daýyl turady dep kútiledi. Jel shyǵystan, soltústik-shyǵystan soǵady, oblystyń ortalyǵynda, soltústiginde soqqan jeldiń ekpini 15-20 m/s quraıdy. Oblystyń ortalyǵynda, soltústiginde, batysynda joǵary órt qaýpi saqtalady. Qyzylordada keı ýaqytta shańdy daýyl turady dep kútiledi. Shyǵystan soqqan jeldiń ekpini - 15 m/s.

Túnde jáne tańerteń Qostanaı oblysynyń soltústiginde tuman bolady dep kútiledi.

Túnde Jetisý oblysynyń soltústik-shyǵysynda, taýly aýdandarynda tuman túsip, kúndiz kóktaıǵaq bolady dep boljanady. Soltústik-shyǵystan jel soǵady, Alakól aýdanynda soqqan jel ekpini 15-20 m/s, keı ýaqyttarda 23-28 m/s deıin jetedi. Taldyqorǵanda synap baǵany túnde 2 gradýs sýyqty kórsetip, úsik júredi dep kútiledi.

Kúndiz Atyraý oblysynyń ońtústiginde, shyǵysynda azdap qatty jańbyr jaýady dep kútiledi. Túnde jáne tańerteń oblystyń batysynda, ońtústiginde tuman bolady. Túnde oblystyń ońtústiginde, shyǵysynda ońtústik-shyǵystan soqqan jeldiń ekpini 15-20 m/s quraıdy. Atyraýda ońtústik-shyǵystan jel soǵady, kúndizgi ekpini - 15-20 m/s

Abaı oblysynyń ońtústiginde kóktaıǵaq bolady dep kútiledi. Túnde jáne tańerteń oblystyń soltústiginde, shyǵysynda tuman bolady.

Shyǵys Qazaqstan oblysynyń soltústiginde, shyǵysynda, ońtústiginde kóktaıǵaq bolady dep kútiledi. Túnde jáne tańerteń oblystyń soltústiginde, shyǵysynda tuman bolady. Oblystyń ońtústik-shyǵysynda batystan, soltústik-batystan soqqan jeldiń ekpini 15-18 m/s deıin jetedi.

Túnde jáne tańerteń Túrkistan oblysynyń taýly aýdandarynda tuman túsedi dep kútiledi. Shyǵystan jel soǵady, oblystyń soltústiginde, taýly aýdandarynda soqqan jeldiń ekpini 15-20 m/s deıin jetedi. Túnde oblystyń soltústiginde, taýly aýdandarynda synap baǵany 2 gradýs sýyqty kórsetip, úsik júredi dep boljanady.

Jambyl oblysynyń taýly aýdandarynda tuman bolady dep kútiledi. Oblystyń ońtústik-batysynda, soltústik-shyǵysynda, taýly aýdandarynda ońtústik-shyǵystan soqqan jeldiń ekpini 15-20 m/s quraıdy. Tarazda túnde jáne tańerteń tuman túsedi dep kútiledi. Túnde synap baǵany 1-3 gradýs sýyqty kórsetip, úsik júredi dep kútiledi.