Tuman, kóktaıǵaq, úsik: Nur-Sultanda jáne bes óńirde eskertý jarııalandy
NUR-SULTAN. QazAqparat - Aýa raıynyń buzylýyna baılanysty Qazaqstannyń birqatar óńirinde eskertý jarııalandy, dep habarlaıdy QazAqparat «Qazgıdromet» RMK baspasóz qyzmetine silteme jasap.
8 qazanda Qaraǵandy oblysynyń keı jerlerinde tuman túsip, kóktaıǵaq bolady. Soltústik-shyǵystan soqqan jeldiń kúshi keı jerlerde 15-20 m/s jetedi.
8 qazanda Qostanaı oblysynyń keı jerlerinde tuman túsedi. Soltústikten jel soǵady, jel ekpini kúndiz keı jerlerde 18 m/s bolady.
8 qazanda Qyzylorda oblysynda soltústikten jel soǵady, kúndiz jel jyldamdyǵy keı jerlerde 15-20 m/s deıin kúsheıedi. Kúndiz tótenshe órt qaýpi saqtalady.
8 qazan t únde jáne tańerteń Aqmola oblysynyń keı jerlerinde tuman túsedi, kóktaıǵaq bolady. Soltústik-batystan soqqan jel soltústik-shyǵysqa aýysady, qarqyny - 15-18 m/s.
Nur-Sultan qalasynda túnde jáne tańerteń tuman túsip, kóktaıǵaq kútiledi.
8-10 qazanda Jambyl oblysynda keı jerlerde tuman túsedi.
9-10 qazanda keı jerlerde soltústik-batystan soǵatyn jel soltústik-shyǵysqa aýysady, kúshi - 15-20, ekpini - 23-28 m/s jetedi. Keı jerlerde 5 gradýs úsik júredi.
