Tuman, kóktaıǵaq, shańdy daýyl – sársenbige arnalǵan aýa raıy
NUR-SULTAN. QazAqparat – Qazgıdromet 11 naýryzǵa arnalǵan aýa raıy boljamyn jarııalaıdy, dep habarlaıdy QazAqparat.
Qazaqstan aýmaǵynyń basym bóligi áli de antıtsıklon jotasynyń yqpalynda bolǵandyqtan, kóbinese jaýyn-shashynsyz aýa raıy kútiledi.
Tek Qazaqstannyń soltústiginde, soltústik-batysynda, ortalyǵy men shyǵysynda frontaldy bólikterdiń ótýine baılanysty keı jerlerde jaýyn-shashyn (qar, jańbyr) jaýady, jel kúsheıedi, jaıaý burqasyn kútiledi, ońtústik-shyǵysta shańdy daýyl soǵady. Respýblıkanyń keı jerlerinde tuman jáne kóktaıǵaq kútiledi.
Mańǵystaý oblysynyń keı jerlerinde shańdy daýyl soǵyp, jeldiń jyldamdyǵy 15-20, ekpini 23 m/s jetedi.
Jambyl, Soltústik Qazaqstan oblystarynyń keı jerlerinde tuman kútiledi, kúndiz keı jerlerde jel 15-20 m/s kúsheıedi.
Shyǵys Qazaqstan oblysynyń keı jerlerinde jel 15-20 m/s jyldamdyqpen soǵyp, túnde keı jerlerde jaıaý burqasyn, kóktaıǵaq kútiledi.
Qaraǵandy, Qostanaı oblystarynyń keı jerlerinde tuman, kóktaıǵaq, jaıaý burqasyn bolady.
Aqmola oblysynyń keı jerlerinde tuman, kóktaıǵaq kútiledi. Pavlodar, túnde jáne tańerteń Atyraý oblystarynyń keı jerlerinde tuman túsedi.
