Tuman, kóktaıǵaq: Senbi kúnge aýa raıy boljamy
NUR-SULTAN. QazAqparat - 25 jeltoqsan kúni antıtsıklon jotasy Qazaqstan terrıtorııasynyń basym bóliginde jaýyn-shashynsyz aýa raıyn qalyptastyrady. Eldiń tek batysy men ońtústiginde atmosferalyq frontaldy bólikterdiń áserinen qar men jańbyr túrinde jaýyn-shashyn bolady. Sondaı-aq kóktaıǵaq, ekpindi jel, jaıaý burqasyn boljanady. Respýblıkanyń keı jerlerinde tuman kútiledi, dep habarlaıdy QazAqparat.
«Qazgıdromet» RMK málimetinshe, Aqmola oblysynyń ońtústigi men shyǵysynda jaıaý burqasyn, batysynda tuman kútiledi.
Qaraǵandy oblysynyń ońtústik-batysynda jaıaý burqasyn, soltústigi men ońtústik-shyǵysynda tuman kútiledi.
Qyzylorda oblysynyń soltústiginde tuman, túnde jáne tańerteń ortalyǵy men ońtústiginde kóktaıǵaq bolady.
Jambyl oblysynyń soltústigi men taýly aýdandarynda kóktaıǵaq, tuman, 15-20 m/s ekpinde jel boljanady.
Almaty oblysynyń taýly aýdandarynda tuman, Alakól mańynda 17-22 m/s ekpinde jel kútiledi.
Kúndiz Batys Qazaqstan oblysynyń batysy men soltústik-batysynda 15-20 m/s jyldamdyqta jel, jaıaý burqasyn boljanady.
Túrkistan oblysynyń ońtústiginde, batysynda jáne taýly aýdandarynda, Atyraý, Mańǵystaý, Shyǵys Qazaqstan oblystarynyń soltústiginde, Qostaı oblysynyń batysynda tuman, Shyǵys Qazaqstan oblysynyń batysy men ortalyǵynda jeldiń jyldamdyǵy kúndiz 23 m/s artady.
Pavlodar oblysynyń joldarynda kóktaıǵaq kútiledi.
