Tuman, kóktaıǵaq: Nur-Sultanda aýa raıyna baılanysty eskertý jarııalandy

Nur-Sultan qalalyq tótenshe jaǵdaılar departamenti «Qazgıdromet» RMK derekteri boıynsha astanada 30 qyrkúıekte tuman jáne kóktaıǵaq bolatynyn málim etti.

Osyǵan baılanysty departament qala turǵyndary men qonaqtaryna qaýipsizdik talaptaryn eske saldy.

Qulaý yqtımaldyǵyn azaıtý úshin kóktaıǵaq kezinde myna erejelerdi saqtaý qajet:

- bıik óksheden bas tartyp, jaı tabany bar taıǵanamaıtyn aıaq kıimdi tańdańyz;

- kólbeý beti bar barlyq jerlerdi aınalyp ótýge tyrysyńyz;

- múmkindiginshe qoldaryńyz bos bolýy kerek, aýyr sómkelerdi alyp júrmeýge tyrysyńyz, qolyńyzdy qaltańyzda ustamańyz-bul qulaý múmkindigin arttyrady;

- aıaq astyna muqııat qarańyz, qaýipti jerlerdi aınalyp ótýge tyrysyńyz. Eger de muzdy «shalshyqty» aınalyp ótý múmkin bolmasa, onda onyń ústinen jeńil adymmen júrińiz;

- joldan ótý kezinde asyqpańyz, júgirip ótpeńiz, saqtyq sharalaryn saqtańyz.

Esterińizde bolsyn, arqamen, betpen qulaý óte qaýipti, bastan zaqym alýyńyz múmkin.

Zardap shekseńiz mindetti túrde dárigerge júginip, alǵashqy medıtsınalyq kómek alyńyz.

Tuman bolǵan jaǵdaıda:

- júrgizýshiler qatty tejeýden aýlaq bolý kerek. Eger siz áli de jolǵa shyǵýyńyz kerek bolsa, tuman aımaǵynda jyldamdyqty edáýir tómendetý kerek, al eger joldaǵy kóriný eki metrden aspasa, qozǵalysty toqtatyp, toqtaý usynylady. Sondaı — aq mindetti túrde gabarıttik ottardy qosý jáne kenetten manevrler-basyp ozýlardan aýlaq bolý qajet.

- jaıaý júrginshiler joldy belgilengen jaıaý júrginshiler ótetin jerde ǵana ótken jón;

- saq bolyńyz, aýa raıynyń ózgerýi jáne engizilgen shekteýler týraly aqparatty qadaǵalańyz;

Tótenshe jaǵdaı týyndaǵan jaǵdaıda «112» nómirine qońyraý shalyńyz.