Tuman, kóktaıǵaq, kúshti jel – seısenbidegi aýa raıy
NUR-SULTAn. QazAqparat – 6 sáýirde atmosferalyq aǵyndardyń ótýine baılanysty elimizde aýa-raıy qubylmaly bolady, dep habarlaıdy QazAqparat Qazgıdrometke silteme jasap.
Sınoptıkterdiń boljaýynsha, elimizdiń keı jerlerinde jaýyn-shashyn (jańbyr, qar) túsip, batysta nóser jaýady, tek ońtústikte kún raıy ashyq bolady. Keı jerlerde tuman túsip, kóktaıǵaq bolady, jel kúsheıip, batysta shańdy daýyl soǵady.
Atyraý, Mańǵystaý oblystarynyń keı jerlerinde jel 15-20 m/s kúsheıip, kúndiz ekpini 25 m/s jetedi, kúndiz keı jerlerde shańdy daýyl soǵady. Aqmola, Batys Qazaqstan, Jambyl, Qostanaı oblystarynyń keı jerlerinde tuman túsip, kóktaıǵaq bolady, jel 15-20 m/s kúsheıedi.
Aqtóbe oblysynyń keı jerlerinde tuman túsip, kóktaıǵaq bolady, kúndiz jel 15-20 m/s kúsheıedi.
Shyǵys Qazaqstan, Pavlodar oblystarynyń keı jerlerinde jel kúsheıip, túnde jáne tańerteń keı jerlerde tuman túsedi.
Soltústik Qazaqstan, Qaraǵandy oblystarynyń keı jerlerinde tuman túsip, Soltústik Qazaqstan oblysynyń keı jerlerinde jel 15-20 m/s kúsheıedi.
