Tuman, kóktaıǵaq: Qazaqstannyń 16 óńirinde aýa raıyna baılanysty eskertý jarııalandy
ASTANA. KAZINFORM - 2 jeltoqsanda Qazaqstannyń 16 oblysynda kún raıyna baılanysty eskertý jarııalandy, dep habarlaıdy Qazgıdromet.
2–3 jeltoqsanda Túrkistan oblysynyń batysynda, ońtústiginde, taýly aımaqtarynda tuman túsedi. Túrkistan qalasynda túnde jáne tańerteń tuman.
2 jeltoqsanda Aqtóbe oblysynyń soltústigi men shyǵysynda tuman bolady.
Soltústik Qazaqstan oblysynyń batysynda kúndiz kóktaıǵaq bolýy yqtımal. Oblystyń batysy, soltústigi men shyǵysynda, sondaı-aq Petropavl qalasynda tuman bolady.
Atyraý oblysynyń batysynda túnde jáne tańerteń tuman túsedi.
Aqmola oblysynyń soltústigi men shyǵysynda túnde, batysy, soltústigi men shyǵysynda kúndiz kóktaıǵaq bolýy múmkin. Oblystyń batysy, soltústigi men shyǵysynda, Kókshetaý qalasynda tuman túsedi.
Abaı oblysynyń shyǵysy men ońtústiginde túnde jáne tańerteń tuman túsedi. Tańerteń jáne kúndiz oblystyń soltústigi men ortalyǵynda shyǵys, ońtústik-shyǵys baǵyttardan 15–20 m/s jyldamdyqpen jel soǵady.
Shyǵys Qazaqstan oblysynyń soltústigi men ońtústiginde túnde jáne tańerteń tuman túsedi. Oblystyń ońtústik-shyǵysynda kúndiz shyǵys, ońtústik-shyǵys jeli 15–20 m/s-qa deıin kúsheıedi.
Qyzylorda oblysynyń soltústigi men ortalyǵynda tuman túsedi. Qyzylorda qalasynda da mezgil-mezgil tuman bolady.
Batys Qazaqstan oblysynyń batysy, soltústigi men shyǵysynda jáne Oral qalasynda tuman bolýy yqtımal.
Almaty oblysynyń ońtústigi men taýly aýdandarynda túnde jáne tańerteń tuman túsedi.
Qaraǵandy oblysynyń batysy men soltústiginde tańerteń jáne kúndiz kóktaıǵaq bolady. Oblystyń soltústigi men shyǵysynda tuman túsedi. Qaraǵandy qalasynda da keı kezderi tuman túsedi.
Pavlodar oblysynyń soltústigi, batysy jáne shyǵysynda, Pavlodar qalasynda tuman túsedi.
Ulytaý oblysynyń soltústigi, shyǵysy men ortalyǵynda tuman túsedi.
Mańǵystaý oblysynyń batysynda kúndiz qatty jańbyr jaýady. Oblystyń soltústik-shyǵysy men ortalyǵynda túnde jáne tańerteń tuman bolady. Aqtaý qalasynda kúndiz keı ýaqytta qatty jańbyr jaýady.
Qostanaı oblysynyń soltústiginde kóktaıǵaq bolady. Oblystyń batysy, soltústigi men shyǵysynda tuman kútiledi. Qostanaı qalasynda túnde kóktaıǵaq, tuman boljanady.
Astana qalasynda tuman kútiledi.
Jetisý oblysynyń shyǵysy men taýly aýdandarynda túnde jáne tańerteń tuman bolady. Alakól kólderi aýdanynda soltústik-shyǵys jeli 15–20 m/s jyldamdyqpen soǵady.
Osyǵan deıin Qostanaı oblysynda kólik qozǵalysy shektelgeni týraly jazdyq.