Tuman, kóktaıǵaq, ekpindi jel: 18 jeltoqsan kúngi aýa raıy
NUR-SULTAN. QazAqparat – 18 jeltoqsan kúni respýblıkanyń basym bóliginde jaýyn-shashyn kútiledi, soltústikte qar jaýady. Soltústik-shyǵysta jáne shyǵysta kún ashyq, jaýyn-shashynsyz bolady. Jekelegen óńirlerde tuman, kóktaıǵaq, ekpindi jel saqtalady, dep habarlaıdy QazAqparat.
«Qazgıdromet» RMK málimetinshe, Batys Qazaqstan, Aktóbe, Atyraý, Manǵystaý, Qostanaı oblystarynyń keı jerlerinde tuman, kóktaıǵaq boljanady. Qostanaı oblysynda, kúndiz Batys Qazaqstan, Aktóbe oblystarynda burqasyn bolyp, jeldiń kúshi 15-20 m/s artady.
Qyzylorda oblysynyń keı jerlerinde tuman, kóktaıǵaq, jaıaý burqasyn bolyp, tańerteń jáne kúndiz jel 15-20 m/s kúsheıedi.
Jambyl, Túrkistan oblystarynyń keı jerlerinde tuman kútiledi, jeldiń ekpini 15-20 m/s artady. Jambyl oblysynyń keı jerlerinde kóktaıǵaq kútiledi.
Qaraǵandy, Aqmola oblystarynyń keı jerlerinde tuman, kúndiz jaıaý burqasyn júredi. Qaraǵandy oblysynda so,daı-aq kóktaıǵaq bolady.
Pavlodar, Shyǵys Qazaqstan oblystarynda túnde jáne tańerteń tuman kútiledi. Shyǵys Qazaqstan oblysynyń kúndiz keı jerlerinde jel 15-20 m/s kúsheıedi.
Almaty oblysynyń keı jerlerinde tuman, kóktaıǵaq kútiledi, kúndiz Jalańashkól aýmaǵynda jel 18-23 m/s artady.
