Tuman, kóktaıǵaq: Dúısenbi kúnge aýa raıy boljamy
NUR-SULTAN. QazAqparat – 20 jeltoqsanda elimizdiń basym bóliginde qubylmaly aýa raıy saqtalady – jańbyr men qar túrinde jaýyn-shashyn kútiledi, túnde eldiń ońtústiginiń taýly aýdandarynda qatty jaýyn-shashyn, naızaǵaı boljanady. Respýblıkanyń keı jerlerinde jel kúsheıip, tuman, kóktaıǵaq, jaıaý burqasyn bolady. QazAqparat bul týraly «Qazgıdrometke» silteme jasap habarlaıdy.
Jambyl oblysynyń ońtústik-batysynda 15-20 m/s jel turady, túnde ekpini 23-28 m/s, keıde 30 m/s jáne odan joǵary artady. Óńirdiń taýly jáne taý bókterli aýdandarynda tuman, kóktaıǵaq kútiledi.
Túnde jáne tańerteń Túrkistan oblysynyń batysynda, ońtústiginde, taýly jáne taý bókterli aýdandarynda naızaǵaı, tuman bolady. Taýdy aýdandarda jel 15-20 m/s kúsheıedi, túnde 23-28 m/s artady.
Aqmola oblysynyń soltústik-batysynda, ońtústik-shyǵysynda tuman, kóktaıǵaq, jaıaý burqasyn kútiledi. Óńirdiń soltústik-batysynda jel 15-20 m/s jetedi.
Soltústik Qazaqstan oblysynyń soltústiginde, batysynda, shyǵysynda jaıaý burqasyn, tuman, kóktaıǵaq bolady. Kúndiz óńirdiń batysynda jel 15-20 m/s soǵady.
Túnde Pavlodar oblysynyń ońtústiginde jel 15-20 m/s artady. Jaıaý burqasyn, tuman, kúndiz batysy men ońtústiginde kóktaıǵaq bolady. Shyǵys Qazaqstan oblysynyń batysynda, ortalyǵynda jel 15-20 m/s kúsheıedi. Jaıaý burqasynmen soǵyp, kóktaıǵaq bolady.
Túnde Qaraǵandy oblysynda kóktaıǵaq, jaıaý burqasyn boljanady. Túnde Aqtóbe oblysynyń soltústik-batysynda, ońtústiginde jáne shyǵysynda kóktaıǵaq bolady. Kúndiz oblystyń soltústik-batysynda 15-20 m/s jel turady.
Qostanaı oblysynyń soltústiginde, ońtústiginde tuman, kóktaıǵaq kútiledi, 15-20 m/s jel turady.
Batys Qazaqstan oblysynyń soltústiginde, soltústik-batysynda kóktaıǵaq, tuman, jaıaý burqasyn boljanady. Óńirdiń batysynda, soltústiginde jel 15-20 m/s kúsheıedi.
Mańǵystaý oblysynyń batysynda tuman, kóktaıǵaq, 15-20 m/s ekpinde jel, shańdy daýyl kútiledi.
Atyraý oblysynyń ońtústik-shyǵysynda tuman turady. Óńirdiń batysynda 15-20 m/s jel kúsheıedi.
Qyzylorda oblysynyń soltústiginde, ortalyǵynda tuman, kóktaıǵaq bolady.
Almaty oblysynyń batysynda, ońtústiginde, shyǵysynda 15-20 m/s jel turady.
