Tuman, kóktaıǵaq, burqasyn: Elimizdiń birqatar óńirinde kún buzylady
NUR-SULTAN. QazAqparat - Aýa raıynyń buzylýyna baılanysty Qazaqstannyń birqatar óńirinde eskertý jarııalandy, dep habarlaıdy QazAqparat «Qazgıdromet» RMK baspasóz qyzmetine silteme jasap.
7 qarasha Nur-Sultan qalasynda tuman túsip, kóktaıǵaq saqtalady. Ońtústik-batystan kúshti jel soǵady. Kúnniń ekinshi jartysynda jel ekpini 15-20 m/s deıin kúsheıedi.
7 qarashada Aqmola oblysynyń keı jerlerinde tuman túsip, kóktaıǵaq bolady. Jaıaý burqasyn soǵady. Ońtústik-batystan sekýndyna 15-20, 23 metr jyldamdyqpen jel esedi.
Kókshetaý qalasynda ońtústik-batystan jel soǵady, jel ekpini 15-20 m/s jetedi.
7 qarasha túnde jáne tańerteń Qostanaı oblysynyń keı jerlerinde tuman túsedi. Ońtústik-batystan soqqan jeldiń qarqyny túnde keı jerlerde - 15-20 m/s, kúndiz - 15-20, 23 m/s deıin kúsheıedi.
Osy kúni Qostanaı qalasynda ońtústik-batystan soqqan jeldiń jyldamdyǵy sekýndyna 15-20 metrge jetedi.
