Tuman, kóktaıǵaq, burqasyn - beısenbige arnalǵan aýa raıy
ASTANA. QazAqparat - «Qazgıdromet» RMK 18 qazanǵa arnalǵan aýa raıy boljamyn usynady, dep habarlaıdy QazAqparat.
Respýblıkanyń basym bóliginde qubylmaly aýa raıy saqtalady, jaýyn-shashyn bolady. Tek batysta, ońtústik-batysta jaýyn-shashynsyz aýa raıy kútiledi. Keı jerlerde jel kúsheıip, tuman, kóktaıǵaq, burqasyn boljanady.
Aqmola, Qaraǵandy, Shyǵys Qazaqstan, Pavlodar, Soltústik Qazaqstan, Qyzylorda oblystarynyń keı jerlerinde tuman, kóktaıǵaq bolyp, jel 15-20, ekpini 23-28 m/s jetedi.
Jambyl, Túrkistan oblystarynyń keı jerlerinde tuman kútiledi, tańerteń jáne kúndiz jeldiń jyldamdyǵy15-20 m/s, Jambyl oblysynda ekpini 23 m/s jetýi múmkin.
Qostanaı, Almaty, Atyraý, Batys Qazaqstan oblystarynyń keı jerlerinde túnde jáne tańerteń tuman, qatty jel soǵady. Almaty oblysynyń keı jerlerinde kóktaıǵaq kútiledi.
