Tuman, kóktaıǵaq, burqasyn: 16 oblysta jáne Astanada daýyldy eskertý jarııalandy

ASTANA. KAZINFORM – Jeksenbi, 2 naýryzda Qazaqstannyń 16 oblysynda daýyldy eskertý jarııalandy, dep habarlaıdy «Qazgıdromet» RMK.

Astanada keı jerlerde tuman túsedi.

Almatyda túnde jáne tańerteń joldarda tuman túsip, kóktaıǵaq bolady.

Shymkentte kúnniń sońynda jańbyr jaýady dep kútilýde. Túnde - tuman.

Abaı oblysynyń soltústiginde, ońtústiginde jáne ortalyǵynda tuman túsedi.

Aqmola oblysynyń batysynda, ońtústiginde, shyǵysynda tuman túsedi.

Atyraý oblysynyń soltústiginde, ońtústiginde jáne shyǵysynda qar jaýyp, burqasyn kútiledi. Túnde jáne tańerteń oblystyń shyǵysy men ońtústiginde tuman túsedi.

Aqtóbe oblysynyń batysynda, soltústiginde jáne shyǵysynda qar jaýyp, burqasyn kútiledi, túnde oblystyń shyǵysynda qalyń qar jaýady. Oblystyń ońtústiginde tuman túsedi. Soltústik-shyǵystan jel soǵady, oblystyń batysynda, soltústik jáne shyǵysynda ońtústik-batystan soǵady, ekpini - 15-20 m/s.

Shyǵys Qazaqstan oblysynyń soltústiginde, shyǵysynda jáne ońtústiginde tuman túsedi.

Jetisý oblysynyń taýly aımaqtarynda túnde jáne tańerteń tuman túsedi.

Jambyl oblysynyń soltústiginde, ońtústiginde, taýly aımaqtarynda tuman túsedi. Tańerteń jáne kúndiz soltústik-shyǵystan soǵatyn jel oblystyń taýly aımaqtarynda ekpini 23 m/s deıin jetedi.

Batys Qazaqstan oblysynyń batysynda jáne soltústiginde tuman túsedi. Soltústik, soltústik-shyǵystan jel soǵady, kúndiz oblystyń ońtústigi men shyǵysynda ekpini - 15-20 m/s.

Pavlodar oblysynyń batysynda jáne ońtústiginde túnde jáne tańerteń tuman túsedi.

Qaraǵandy ​​oblysynyń batysynda, soltústiginde jáne ońtústiginde tuman túsedi.

Qostanaı oblysynyń ońtústigi men batysynda qar jaýyp, burqasyn kútiledi. Oblystyń batysynda, shyǵysynda jáne soltústiginde tuman túsedi.

Túnde Qyzylorda oblysynyń soltústiginde qalyń qar jaýyp, burqasyn kútiledi. Oblystyń soltústiginde, shyǵysynda jáne ortalyǵynda tuman, ortalyqta kóktaıǵaq bolady.

Mańǵystaý oblysynda qar jaýyp, kóktaıǵaq bolady. Túnde jáne tańerteń oblystyń ońtústigi men soltústiginde tuman túsedi. Kúndiz batysta, soltústikte jáne oblys ortalyǵynda burqasyn kútiledi. Soltústik, soltústik-batystan soǵatyn jel kúndiz batysta, soltústikte, oblys ortalyǵynda - 15-20 m/s. Túnde oblystyń soltústik-shyǵysynda 20-22 gradýsqa deıin qatty aıaz kútiledi.

Soltústik Qazaqstan oblysynyń soltústigi men shyǵysynda túnde burqasyn kútiledi. Oblystyń batysy men ońtústiginde tuman túsedi.

Kúndiz Túrkistan oblysynyń batysynda, soltústiginde, taýly aımaqtarynda jańbyr jaýady. Oblystyń batysynda, ońtústiginde jáne taýly aımaqtarynda tuman túsedi. Ońtústik-shyǵystan soǵatyn jel soltústik-batysqa aýysady, kúndiz ońtústikte, oblystyń taýly aımaqtarynda 15-20 m/s kúsheıedi.

Tańerteń jáne kúndiz Ulytaý oblysynyń batysynda, soltústiginde jáne ortalyǵynda qar jaýyp, burqasyn, kóktaıǵaq kútiledi. Oblystyń soltústiginde tuman túsedi. Shyǵystan, ońtústik-shyǵystan soǵatyn jel túnde jáne tańerteń ekpini - 15-18 m/s.