Tuman, kóktaıǵaq, boran: Elimizdiń birqatar óńirinde eskertý jarııalandy
NUR-SULTAN. QazAqparat - Aýa raıynyń buzylýyna baılanysty elimizdiń birqatar óńirinde eskertý jarııalandy, dep habarlaıdy QazAqparat «Qazgıdrometke» silteme jasap.
10 jeltoqsanda Soltústik Qazaqstan oblysynyń keı jerlerinde tuman túsip, boran soǵady, kóktaıǵaq bolady.
Soltústik-batystan jel soǵady, kúndiz keı jerlerde jeldiń kúshi - 15-20 m/s.
Petropavl qalasynda túnde jáne tańerteń tuman túsedi. Soltústik-batystan soqqan jeldiń ekpini 15-20 m/s jetedi.
10 jeltoqsanda Shyǵys Qazaqstan oblysynyń keı jerlerinde tuman túsip, burqasyn kóteriledi. Ońtústik-batystan jáne batystan soqqan jeldiń jyldamdyǵy keı jerlerde 15-20 m/s deıin kúsheıedi.
10 jeltoqsan da Aqmola oblysynyń keı jerlerinde jáne Kókshetaý qalasynda tuman túsedi, boran soǵady. Ońtústik-batystan soǵatyn jel soltústik-batysqa aýysady, kúndiz keı jerlerde jel qarqyny - 15-20 m/s.
10 jeltoqsan túnde Mańǵystaý oblysynyń soltústiginde 21°S deıin qatty aıaz saqtalady.
