Tuman, kóktaıǵaq, aıaz: Búgin kún raıy qandaı bolady

ASTANA. QazAqparat – «Qazgıdromet» RMK-sy 28 qarashaǵa jasalǵan kún raıyna baılanysty boljamyn jarııalady, dep habarlaıdy QazAqparat.

Kásiporynnyń derekterine qaraǵanda, respýblıkanyń basym bóligi áli de sýyq antıtsıklonnyń yqpalynda bolǵandyqtan búgin kún ashyq jáne aıazdy bolady.

Atmosferalyq aǵyndardyń ótýine oraı respýblıkanyń ońtústiginde, ońtústik-batysynda jaýyn-shashyn (jańbyr, qar), tuman, kóktaıǵaq bolady. Qazaqstan Respýblıkasynyń aýmaǵynda jel kúsheıýi múmkin.

Jetisý oblysynyń soltústiginde, shyǵysynda, taýly aımaqtarynda, túnde Qyzylorda oblysynyń ońtústik-shyǵysynda, Túrkistan oblysynyń taýly asýlarynda 30 m/s jáne odan da joǵary jyldamdyqpen jel soǵady.