«Tuman, kóktaıǵaq»: 9 aqpanda elimizdiń 13 óńirinde daýyldy eskertý jarııalandy

ASTANA. KAZINFORM - 9 aqpanda Qazaqstannyń 13 oblysynda aýa raıyna baılanysty daýyldy eskertý jarııalandy.

Qazgıdromet sınoptıkteriniń boljamy boıynsha, Qyzylorda oblysynyń ortalyǵynda, shyǵysynda kóktaıǵaq, tuman bolady. Qyzylordada da keı ýaqyttarda kóktaıǵaq, tuman bolady dep boljanady.

Batys Qazaqstan oblysynyń batysynda, ońtústiginde tuman túsedi. Kúndiz oblystyń batysynda, ońtústiginde soltústik-batystan soqqan jeldiń ekpini 15-20 m/s bolady.

Kúndiz Pavlodar oblysynyń ortalyǵynda, ońtústiginde batystan jel soǵady, ekpini -15-20 m/s. Pavlodarda da kúndiz batystan soqqan jeldiń ekpini 15-20 m/s.

Túnde jáne tańerteń Qaraǵandy oblysynyń soltústiginde tuman túsedi.

Kúndiz Abaı oblysynyń batysynda, soltústiginde, ortalyǵynda qar jaýyp, jaıaý burqasyn júredi. Túnde jáne tańerteń oblystyń soltústiginde, ortalyǵynda tuman bolady. Oblystyń ońtústiginde, ortalyǵynda soltústik-shyǵystan ońtústik-batysqa oıysa soqqan jeldiń ekpini 15-20 m/s.

Túnde jáne tańerteń Ulytaý oblysynyń soltústiginde soltústik-shyǵystan jel soǵady, ekpini - 15-20 m/s.

Kúndiz Shyǵys Qazaqstan oblysynyń soltústiginde, shyǵysynda qar jaýyp, jaıaý burqasyn júredi. Túnde jáne tańerteń oblystyń soltústiginde, ońtústiginde tuman túsedi. Óskemende de túnde jáne tańerteń tuman bolady.

Soltústik Qazaqstan oblysynyń batysynda, soltústiginde, ońtústiginde tuman túsedi. Kúndiz oblystyń batysynda kóktaıǵaq bolady, kúndiz oblystyń ońtústik-shyǵysynda batystan, soltústik-batystan soqqan jeldiń ekpini 15-20 m/s. Petropavlda da tuman túsedi.

Aqtóbe oblysynyń soltústiginde, shyǵysynda, ortalyǵynda jaıaý burqasyn júredi, oblystyń soltústiginde, shyǵysynda, ortalyǵynda soltústik-shyǵystan jel soǵady, ekpini - 15-20 m/s, Muǵaljar aýdanynda soqqan jeldiń ekpini 23 m/s deıin jetedi. Aqtóbede soltústik-shyǵystan jel soǵady, túndegi ekpini - 15 m/s.

Aqmola oblysynyń soltústiginde, shyǵysynda, ońtústiginde tuman túsedi. Oblystyń shyǵysynda batystan, soltústik-batystan jel soǵady, ekpini - 15-18 m/s. Kókshetaýda da tuman bolady.

Jambyl oblysynyń ońtústiginde, taýly aýdandarynda tuman túsedi. Soltústik-shyǵystan jel soǵady, oblystyń soltústik-shyǵysynda, taýly aýdandarynda soqqan jeldiń ekpini 15-20 m/s, túnde ekpini 23 m/s deıin jetedi. Tarazda keı ýaqyttarda tuman túsedi.

Qostanaı oblysynyń ońtústiginde jaıaý burqasyn júredi. Oblystyń soltústiginde, shyǵysynda tuman túsedi. Oblystyń ońtústiginde soltústik-batystan soqqan jeldiń ekpini 15-20 m/s. Qostanaıda tuman bolady.

Jetisý oblysynyń soltústik-shyǵysynda, Alakól kólderi aýdanynda shyǵystan soqqan jeldiń ekpini 15-20 m/s bolady. Túnde jáne tańerteń shyǵysta, oblystyń taýly aýdandarynda tuman bolady.

Aýa raıyna baılanysty eki oblysta kólik qozǵalysy shektelgen bolatyn.