Tuman, kóktaıǵaq: 8 óńirde eskertý jarııalandy
ASTANA. QazAqparat – «Qazgıdromet» RMK 9 qarashada aýa raıynyń buzylýyna baılanysty birneshe óńirde eskertý jarııalady, dep habarlaıdy QazAqparat.
Atap aıtqanda, túnde jáne tańerteń Túrkistan oblysynyń batysynda, taýly jáne taý bókterindegi aýdandarda tuman, kóktaıǵaq kútiledi.
Shymkent qalasynda túnde tuman boljanady.
Túnde Almaty oblysynyń taýly jáne taý bókterindegi aýdandarynda qatty jaýyn-shashyn (jańbyr, qar), tuman, kóktaıǵaq kútiledi.
Almaty qalasynda túnde jáne tańerteń tuman, kóktaıǵaq bolady.
Qyzylorda oblysynyń soltústigin tuman basady.
Túnde Soltústik Qazaqstan oblysynyń basym bóliginde qar jaýady. Óńirdiń soltústigi men shyǵysynda jaıaý burqasyn kútiledi. Ońtústik-batystan jel soǵady, kúndiz oblystyń soltústiginde, shyǵysynda ekpini 15-20 m/s artady.
Túnde jáne tańerteń Batys Qazaqstan oblysynyń soltústiginde, shyǵysynda, ortalyǵynda tuman boljanady.
Túnde jáne tańerteń Jambyl oblysynyń ońtústiginde, shyǵysynda, taýly aýdandarynda tuman, kóktaıǵaq bolady. Óńirdiń ońtústik-batysynda, soltústik-shyǵysynda, taýly aýdandarynda jeldiń kúshi 15-20 m/s quraıdy.
