Tuman, kóktaıǵaq: 7 óńirde eskertý jarııalandy
NUR-SULTAN. QazAqparat – «Qazgıdromet» RMK 30 qańtarda aýa raıynyń buzylyna baılanysty birqatar óńirde eskertý jarııalady, dep habarlaıdy QazAqparat.
Atap aıtqanda, Qaraǵandy oblysynyń keı jerlerinde tuman kútiledi. Ońtústik-shyǵystan, shyǵystan soǵatyn jeldiń kúshi 15-20 m/s artady.
Aqmola oblysynyń keı jerlerinde sondaı-aq tuman boljanady.
Aqtóbe oblysynyń keı jerlerinde tuman, túnde kóktaıǵaq bolady. Ońtústik-shyǵystan, shyǵystan jel soǵyp, ekpini 16 m/s kúsheıedi.
Batys Qazaqstan oblysynyń keı jerlerinde tuman, qóktaıǵaq kútiledi.
Mańǵystaý, Atyraý oblystarynyń keı jerlerinde tuman, kóktaıǵaq bolýy yqtımal.
Sondaı-aq 2 aqpanǵa deıin Jambyl oblysynda tuman boljanady. 1-2 aqpanda keı jerlerde kóktaıǵaq kútiledi. 30 qańtar - 1 aqpan aralyǵynda jeldiń ekpini 23-28 m/s artýy múmkin.
