Tuman, kóktaıǵaq: 17 óńirde aýa raıyna baılanysty eskertý jarııalandy

«Qazgıdromet» boljamyna qaraǵanda, 27 jeltoqsan kúni Almaty men Qonaevta túnde tuman túsip, joldarda kóktaıǵaq bolady.

Almaty oblysynyń ońtústiginde jáne taýly aımaqtarynda túnde jáne tańerteń mezgil-mezgil tuman túsip, joldarda kóktaıǵaq bolady. Jel soltústik-batystan soltústik-shyǵysqa aýysady, oblystyń shyǵysynda ekpini 18 m/s-qa deıin jetedi.

Aqmola oblysynda 27 jeltoqsanda batys, soltústik jáne shyǵys aýdandarda tuman túsedi. Jel ońtústik-batystan soǵady, túnde jáne tańerteń oblystyń soltústigi men shyǵysynda ekpini 15–20 m/s.

Kókshetaýda da túnde jáne tańda jeldiń ekpini 15–20 m/s-ke jetedi.

Túrkistan oblysynyń batysy, ońtústigi jáne taýly óńirlerinde túnde qar jaýyp, jaıaý burqasyn soǵady jáne tuman túsip, kóktaıǵaq baıqalady. Taýly asýlarda shyǵystan soqqan jeldiń ekpini 15–20 m/s.

Shymkentte keıde tuman túsip, túnde jáne tańerteń kóktaıǵaq bolady. Túrkistan qalasynda kóktaıǵaq pen tuman baıqalady.

Atyraý oblysynyń batysy men soltústiginde túnde jáne tańerteń tuman men kóktaıǵaq bolady.

Qaraǵandy oblysynyń batysy, soltústigi jáne ońtústiginde tuman túsedi.

Mańǵystaý oblysynda kúndiz batys, ońtústik jáne ortalyq aýdandarda jaýyn-shashyn (jańbyr, qar), jaıaý burqasyn bolady. Túnde jáne kúndiz kóktaıǵaq. Jel ońtústik-shyǵystan soǵyp, ekpini 15–20 m/s-ke jetedi.

Aqtaýda kúndiz kóktaıǵaq baıqalyp, jeldiń ekpini 15–20 m/s-qa jetedi.

Batys Qazaqstan oblysynda batys, soltústik jáne shyǵys aýdandarda qar jaýyp, jaıaý burqasyn soǵady, al batysy men ońtústiginde tuman túsedi. Jel ońtústik jáne ońtústik-batystan soǵyp, ekpini 15–20 m/s bolady. 2025 jylǵy 27 jeltoqsan men 2026 jylǵy 2 qańtar aralyǵynda oblysta qar mólsheri normadan artyq bolýy múmkin.
Oral qalasynda kúndiz qar jaýyp, jaıaý burqasyn soǵady, jeldiń ekpini 15–20 m/s jetedi.

Jambyl oblysynyń soltústik-shyǵysy men taýly aımaqtarynda túnde jáne tańerteń qar jaýyp, jaıaý burqasyn soǵady, kóktaıǵaq bolady. Oblystyń soltústigi, ońtústigi jáne taýly óńirlerinde tuman túsedi. Jel soltústik-shyǵystan soǵyp, ekpini 15–20 m/s-ke jetedi. Osy kezeńde oblystyń ońtústigi men taýly aýdandarynda jaýyn-shashyn mólsheri normadan artyq bolýy yqtımal.

Tarazda keı ýaqytta tuman túsedi.

Pavlodar oblysynyń batysy, soltústigi jáne ońtústiginde tuman baıqalady.

Qyzylorda oblysynyń soltústigi men ortalyǵynda tuman men kóktaıǵaq bolady. Qyzylorda qalasynda da mezgil-mezgil tuman men kóktaıǵaq bolady.

Óskemende túnde jáne tańerteń qar, boran jáne kóktaıǵaq bolady.

Semeıde túngi ýaqytta qar, boran jáne kóktaıǵaq baıqalady.

Aqtóbe oblysynyń batysy men ońtústiginde tuman túsedi.

Qostanaı oblysynyń shyǵysy men ońtústiginde tuman bolady.

Soltústik Qazaqstan oblysynyń batysy, soltústigi jáne ońtústiginde ońtústik-batystan jel soǵyp, ekpini 15–20 m/s jetedi. Petropavlda da jel kúsheıedi.
Jetisý oblysynyń shyǵysy, ortalyǵy jáne taýly aımaqtarynda keıde tuman túsip, joldarda kóktaıǵaq bolady. Jel ońtústik-batystan soǵyp, ekpini 15–20 m/s, kúndiz keı ýaqytta 23–28 m/s deıin kúsheıedi.

Taldyqorǵanda da tuman túsip, joldarda kóktaıǵaq baıqalady.

Osyǵan deıin Jańa jyl túni Qazaqstan qalalarynda aýa raıy qandaı bolatynyn jazdyq.