Tuman, kóktaıǵaq: 11 qańtar kúngi aýa raıy boljamy
NUR-SULTAN. QazAqparat - 11 qańtar kúni Qazaqstan aýmaǵynyń basym bóligi aýqymdy antıtsıklon yqpalynda bolady. Osyǵan oraı jaýyn-shashynsyz kún raıy kútiledi. Respýblıkanyń tek batysy men shyǵysynda jańbyr men qar túrinde jaýyn boljanady. Eldiń jekelegen óńirlerinde tuman, kóktaıǵaq, ekpindi jel, jaıaý burqasyn bolady. QazAqparat bul týraly «Qazgıdromet» RMK-ǵa silteme jasap habarlaıdy.
Atyraý oblysynyń batys jáne ortalyq bóliginde tuman, kóktaıǵaq boljanady. Óńirdiń shyǵysynda jel 15-20 m/s deıin kúsheıedi.
Túnde Mańǵystaý oblysynyń batysy men ortalyǵynda – kóktaıǵaq, ońtústiginde 15-20 m/s jyldamdyqta jel kútiledi.
Kúndiz Aqtóbe oblysynyń batysynda jaıaý burqasyn boljanady, óńirdiń shyǵysynda túnde jeldiń kúshi 15-20 m/s artady.
Túrkistan oblysynyń ońtústigi men batysynda, sondaı-aq taýly, taý bókterli aýmaqtarynda tuman boljanady. Taýly aýdandarda jeldiń ekpini 15-20 m/s kúsheıedi.
Almaty oblysynyń ońtústigi men shyǵysynda tuman, kóktaıǵaq bolady. Jalańashkól aýmaǵynda jeldiń jyldamdyǵy 18-23 m/s artady.
Shyǵys Qazaqstan oblysynyń soltústik bóliginde jel 15-20 m/s jetedi. Óńirdiń soltústiginde túnde jaıaý burqasyn júredi.
Jambyl oblysynyń soltústigi men taýly aýdandarynda tuman, kóktaıǵaq kútiledi.
Aqmola oblysynyń ońtústik-shyǵysynda, Batys Qazaqstan oblysynyń batysynda, Qostanaı jáne Qaraǵandy oblystarynyń shyǵysynda, Qyzylorda oblysynyń ortalyǵynda, Soltústik Qazaqstan jáne Pavlodar oblystarynyń ońtústiginde tuman bolady.
