Tuman, ekpindi jel: Juma kúngi aýa raıy boljamy
NUR-SULTAN. QazAqparat - 3 mamyr kúni Qazaqstannyń basym bóligi antıtsıklonnyń yqpalynda bolady. Osyǵan baılanysty juma jaýyn-shashynsyz ótedi. Respýblıkanyń tek batys, shyǵys jáne ońtústik-shyǵys aýmaqtarynda atmosferalyq frontaldy bólikterdiń ótýimen jaýyn-shashyn saqtalady. Keı jerlerde tuman, jeldiń kúsheıýi, daýyl, shańdy daýyl kútiledi, burshaq jaýýy múmkin, dep habarlaıdy QazAqparat.
«Qazgıdromet» RMK-nyń málimetinshe, Jambyl oblysynyń keı jerlerinde tuman kútiledi, kúndiz jeldiń ekpini 23 m/s kúsheıedi.
Atyraý oblysynyń basym bóliginde shańdy daýyl boljanady, jeldiń kúshi kúndiz 25 m/s artady.
Aqtóbe oblysynda túnde keı jerlerinde, kúndiz basym bóliginde jeldiń ekpini 15-20 m/s jetedi. Kúndiz jekelegen aýmaqtarda shańdy daýyl kútiledi.
Mańǵystaý oblysynyń keı jerlerinde jel 15-20 m/s kúsheıedi, shańdy daýyl turýy múmkin.
Qaraǵandy oblysynyń keı jerlerin tuman basyp, burshaq jaýýy yqtımal, jel 15-20 m/s kúsheıedi.
Almaty oblysynyń keı jerlerinde jel 15-20 m/s artady, túnde jáne tańerteń keı jerlerde tuman kútiledi.
Qostanaı oblysynda túnde jáne tańerteń jekelegen aýmaqtarda tuman boljanady, kúndiz jeldiń kúshi 15-20 m/s kúsheıedi.
Batys Qazaqstan, Túrkistan, Qyzylorda, Soltústik Qazaqstan oblystarynda jeldiń ekpini 15-20 m/s jetedi. Túnde jáne tańerteń Shyǵys Qazaqstan oblysynyń keı jerlerinde tuman kútiledi.
