Tuman, daýyl, burshaq – 19 tamyzǵa arnaǵan aýa raıy boljamy
NUR-SULTAN. QazAqparat – Qazgıdromet 19 tamyzǵa arnalǵan aýa raıy boljamyn usynady, dep habarlaıdy QazAqparat.
Qazaqstan aýmaǵynyń basym bóliginde aýa raıynyń turaqsyzdyǵy saqtalady, atmosferalyq frontaldy bólikterdiń ótýimen naızaǵaı kútiledi, jańbyr jaýady, tek ońtústik pen batysta aýa raıy kóbinese jaýyn shashynsyz bolady. Respýblıkanyń keı jerlerinde jel kúsheıedi, tuman, daýyl, burshaq jaýýy yqtımal.
Qaraǵandy oblysynda túnde jel keı jerlerde 15-20 m/s, kúndiz basym bóliginde 15-20, ekpini 23 m/s kúsheıedi, daýyl kútiledi, burshaq jaýýy yqtımal. Aqmola, Qostanaı oblystarynyń keı jerlerinde tuman, daýyl kútiledi, burshaq jaýýy yqtımal, túnde keı jerlerinde jel 15-20 m/s, kúndiz basym bóliginde 15-20, Aqmola oblysynda ekpini 23 m/s kúsheıedi. Soltústik Qazaqstan oblysynda túnde jáne tańerteń tuman kútiledi, kúndiz jel 15-20, ekpini 23 m/s kúsheıedi. Pavlodar oblysynyń kúndiz keı jerlerinde jel 15-20 m/s kúsheıedi, daýyl kútiledi, burshaq jaýýy yqtımal.
Shyǵys Qazaqstan oblysynda jel 15-20 m/s kúsheıedi, daýyl kútiledi, burshaq jaýýy yqtımal. Túnde jáne tańerteń Aqtóbe oblysynda tuman kútiledi, kúndiz oblystyń soltústiginde jeldiń ekpini 16 m/s kúsheıedi. Mańǵystaý oblysynyń keı jerlerinde tuman kútiledi.
Atyraý, Qyzylorda, Túrkistan, Jambyl, Almaty oblystarynyń basym bóliginde, Aqtóbe oblysynyń shyǵysynda, Qaraǵandy oblysynyń ońtústiq-batysta, Shyǵys Qazaqstan, Batys Qazaqstan oblystarynyń ońtústiginde tótenshe órt qaýpi saqtalady.
