Tuman, burqasyn, kóktaıǵaq - 15 jeltoqsanǵa aýa raıy boljamy
ASTANA. QazAqparat - Batys Qazaqstandaǵy tsıklonǵa jáne atmosferalyq fronttarǵa baılanysty Qazaqstannyń basym bóliginde aýa raıy turaqsyz bolady. Keı jerlerde jaýyn-shashyn túsip, tek ońtústik-shyǵysta kún ashyq bolady. Tuman, kóktaıǵaq, burqasyn kútiledi, jel kúsheıedi, dep habarlaıdy QazAqparat Qazgıdrometke silteme jasap.
Jambyl, Qyzylorda, Atyraý, Mańǵystaý, Aqtóbe, Qaraǵandy oblystarynyń keı jerlerinde tuman, kóktaıǵaq kútiledi. Mańǵystaý, Atyraý, Qaraǵandy oblystarynyń keı jerlerinde jel 15-20 m/s deıin kúsheıedi.
Qostanaı, Aqmola oblystarynyń keı jerlerinde tuman, burqasyn bolýy múmkin. Qostanaı oblysynda jel jyldamdyǵy sekýndyna 15-20 metrge deıin jetedi. Kóktaıǵaq bolady.
Batys Qazaqstan oblysynyń keı jerlerinde tuman, burqasyn, kóktaıǵaq bolady. Túnde keı jerlerde jel ekpini 15-20 m/s deıin kúsheıedi.
Túrkistan, Almaty oblystarynda tuman kútiledi, kúshi 15-23 m/s deıin yzǵyryq jel turady.
Soltústik Qazaqstan, Pavlodar, Shyǵys Qazaqstan oblystarynyń keı jerlerinde tuman bolýy yqtımal.
