Tuman, burqasyn, kóktaıǵaq: aýa raıyna baılanysty birqatar óńirde eskertý jarııalandy
ASTANA. KAZINFORM – «Qazgıdromet» RMK 10 aqpanda Astana, Almaty, Shymkent qalalary men Qazaqstannyń 17 óńirinde daýyldy eskertý jarııalady.
Atyraý oblysynyń batysy, soltústigi jáne shyǵysynda qar jaýyp, oblystyń soltústigi men shyǵysynda burqasyn kútiledi. Túnde jáne tańerteń oblystyń soltústigi, batysy jáne ońtústiginde tuman men kóktaıǵaq bolady. Soltústik-batystan jáne batystan soqqan jeldiń ekpini oblystyń soltústigi, ońtústigi jáne shyǵysynda 15-20 m/s, keı jerlerde 23 m/s deıin jetedi. Atyraý qalasynda 10 aqpanda túnde jáne tańerteń tuman men kóktaıǵaq kútiledi. Jeldiń ekpini 15-20 m/s.
Jetisý oblysynyń soltústigi men taýly aımaqtarynda keı ýaqytta tuman bolady. Tańerteń jáne kúndiz oblystyń batysy, ortalyǵy men taýly aýdandarynda kóktaıǵaq kútiledi.
Túnde jáne tańerteń Túrkistan oblysynyń ońtústik jáne batys bóliginde qatty jańbyr jaýady, taýly aýdandarda jańbyr men qar jaýýy yqtımal. Shymkent pen Túrkistan qalalarynda 10 aqpanda túnde jáne tańerteń qatty jańbyr jaýyp, ońtústik-batystan soltústik-shyǵysqa aýysatyn jel soǵady, ekpini 15-20 m/s.
Mańǵystaý oblysynda qar jaýyp, kóktaıǵaq bolady. Kúndiz oblystyń batysy, soltústigi jáne ortalyǵynda jaıaý burqasyn júredi. Túnde jáne tańerteń oblystyń ońtústigi, soltústigi men ortalyǵynda tuman túsedi. Kúndiz soltústik-batystan soqqan jeldiń ekpini 15-20 m/s. Aqtaýda 10 aqpanda qar jaýyp, kóktaıǵaq bolady, kúndiz jaıaý burqasyn kútiledi. Jeldiń ekpini 15-20 m/s.
Astanada 10 aqpanda keı ýaqytta jaýyn-shashyn (jańbyr, qar) jaýyp, kóktaıǵaq bolady, kúndiz jaıaý burqasyn júredi. Ońtústik-batystan soqqan jeldiń ekpini 15-20 m/s, keıde 23 m/s deıin jetedi.
Ulytaý oblysynda jaýyn-shashyn (jańbyr, qar), kóktaıǵaq jáne burqasyn bolady. Oblystyń soltústigi, shyǵysy men ortalyǵynda tuman túsedi. Tańerteń jáne kúndiz ońtústik-batystan soqqan jeldiń ekpini 15-20 m/s, oblystyń shyǵysynda keıde 23-28 m/s deıin jetedi. Jezqazǵanda 10 aqpanda jaýyn-shashyn, kóktaıǵaq, tuman jáne burqasyn kútiledi. Jeldiń ekpini tańerteń jáne kúndiz 15-20 m/s.
Qaraǵandy oblysynda jaýyn-shashyn (jańbyr, qar), kóktaıǵaq jáne burqasyn bolady. Oblystyń batysy, soltústigi men shyǵysynda tuman túsedi. Tańerteń jáne kúndiz oblystyń batysy, soltústigi men shyǵysynda ońtústik jáne ońtústik-batystan soqqan jeldiń ekpini 15-20 m/s, keıde 23-28 m/s deıin jetedi. Qaraǵandy qalasynda 10 aqpanda jaýyn-shashyn, kóktaıǵaq jáne burqasyn bolady, jeldiń ekpini 15-20 m/s.
Aqmola oblysynyń batysy, soltústigi jáne shyǵysynda kúndiz qatty jaýyn-shashyn (jańbyr, qar), kóktaıǵaq jáne jaıaý burqasyn bolady. Oblystyń batysy men ońtústiginde tuman túsedi. Tańerteń jáne kúndiz ońtústik-batystan soqqan jeldiń ekpini 15-20 m/s, keıde 25 m/s deıin jetedi. Kókshetaýda 10 aqpanda jaýyn-shashyn, kóktaıǵaq jáne jaıaý burqasyn bolady.
Jambyl oblysynyń túngi saǵattarynda taýly aýdandarda qatty jaýyn-shashyn (kóbinese jańbyr), oblystyń soltústigi, ońtústigi jáne taýly aımaqtarynda kóktaıǵaq jáne tuman bolady. Taraz qalasynda 10 aqpanda keı ýaqytta tuman men kóktaıǵaq kútiledi. Jel ońtústik-batystan soǵyp, ekpini 15-20 m/s, keıde 23-28 m/s deıin jetedi.
Qyzylorda oblysynda 10 aqpanda jaýyn-shashyn (jańbyr, qar) túsedi, túnde oblystyń ońtústiginde jaýyn-shashynnyń qarqyndylyǵy kúsheıedi. Sonymen qatar, oblystyń ońtústigi, soltústigi jáne ortalyǵynda tuman, kóktaıǵaq jáne burqasyn kútiledi. Jel batystan jáne ońtústik-batystan soǵyp, ekpini 15-20 m/s bolady. Qyzylorda qalasynda tuman men kóktaıǵaqtyń paıda bolýy yqtımal.
Soltústik Qazaqstan oblysynda jaýyn-shashyn (jańbyr, qar), kóktaıǵaq jáne burqasyn kútiledi. Oblystyń ońtústigi men shyǵysynda jaýyn-shashyn qarqyndy bolady. Batys jáne soltústik aýdandarda tuman túsedi. Jel ońtústik-batystan soǵyp, ekpini 15-20 m/s, keı jerlerde 25 m/s jetedi. Petropavl qalasynda jaýyn-shashyn, kóktaıǵaq, tuman jáne jaıaý burqasyn kútiledi.
Aqtóbe oblysynda jaýyn-shashyn, negizinen qar, kóktaıǵaq, sondaı-aq oblystyń soltústigi, ońtústigi jáne shyǵysynda tuman bolady. Jaıaý burqasyn júrýi múmkin. Jel ońtústik-batystan soǵyp, oblystyń ońtústigi men ortalyǵynda ekpini 15-20 m/s quraıdy. Aqtóbe qalasynda kóktaıǵaq pen jaıaý burqasyn kútiledi, jeldiń ekpini 15-18 m/s.
Abaı oblysynda túnde batys, soltústik jáne ortalyq bólikterinde, kúndiz soltústik, ońtústik jáne ortalyq aýdandarda jaýyn-shashyn (jańbyr, qar), kóktaıǵaq jáne burqasyn bolady. Semeı qalasynda jaýyn-shashyn men kóktaıǵaq, burqasyn kútiledi. Jel ońtústikten jáne ońtústik-batystan soǵyp, ekpini 15-20 m/s.
Shyǵys Qazaqstan oblysynda túnde soltústik-batysta, kúndiz batys, soltústik jáne shyǵysta jaýyn-shashyn (jańbyr, qar), kóktaıǵaq jáne burqasyn bolady. Óskemen qalasynda tańerteń jáne kúndiz jaýyn-shashyn, kóktaıǵaq pen burqasyn kútiledi. Jel ońtústik-shyǵystan soǵyp, ekpini 15-20 m/s.
Batys Qazaqstan oblysynda túnde jáne kúndiz oblystyń soltústigi men shyǵysynda qar jaýyp, burqasyn júredi. Oblystyń batysy, ońtústigi jáne shyǵysynda soltústik-batystan soqqan jeldiń ekpini 15-20 m/s bolady. Oral qalasynda túnde qar jaýyp, burqasyn júrýi yqtımal.
Pavlodar oblysynda jaýyn-shashyn (qar, jańbyr), kóktaıǵaq jáne burqasyn bolady. Oblystyń soltústigi, ońtústigi jáne shyǵysynda tuman túsedi. Batys, ońtústik jáne shyǵys aýdandarda ońtústik-batystan soqqan jeldiń ekpini 15-20 m/s, kúndiz 23-28 m/s deıin jetedi. Pavlodar qalasynda tańerteń jáne kúndiz jaýyn-shashyn, kóktaıǵaq pen burqasyn kútiledi. Jel ońtústik-batystan soǵady, ekpini 15-20 m/s.
Qostanaı oblysynda túnde qar jaýyp, jaıaý burqasyn bolady, kúndiz jaýyn-shashyn, negizinen qar, kóktaıǵaq kútiledi. Oblystyń soltústigi men batysynda tuman túsedi. Jel ońtústik-batystan soǵyp, ekpini 15-20 m/s, keı jerlerde 25 m/s deıin jetedi.
Almaty oblysynda soltústik, ońtústik jáne taýly aýdandarda tuman túsedi. Jel ońtústik-shyǵystan ońtústik-batysqa aýysyp soǵyp, oblystyń soltústik, ońtústik jáne taýly aımaqtarynda ekpini 17-22 m/s bolady. Almaty qalasynda túnde jáne tańerteń tuman paıda bolýy yqtımal. Qonaev qalasynda jeldiń ekpini 17-22 m/s.
Eske sala keteıik, buǵan deıin Jetisý oblysynda aýa raıyna baılanysty kólik qozǵalysyna shekteý qoıylǵanyn jazǵanbyz.