Tuman, burqasyn, kóktaıǵaq: Astana men 16 oblysta daýyldy eskertý jarııalandy

ASTANA. KAZINFORM – «Qazgıdromet» RMK sınoptıkteri 20 qańtarda Astana men elimizdiń 16 óńirinde tuman túsip, kóktaıǵaq bolatynyn boljaıdy.

Túnde Aqmola oblysynyń batysynda, soltústiginde, ońtústiginde jaıaý burqasyn júrip, kóktaıǵaq bolady dep kútiledi. Kúndiz qar burqasyndatyp, kóktaıǵaq bolady. Oblystyń ońtústiginde tuman túsip, túnde oblystyń batysynda, soltústiginde, shyǵysynda ońtústik-batystan soqqan jeldiń ekpini 15-20 m/s, keı tusta 23 m/s deıin jetedi. Kókshetaýda kúndiz jaıaý burqasyn júrip, kóktaıǵaq bolady dep kútiledi. Kúndiz ońtústik-batystan soqqan jeldiń ekpini — 15-20 m/s.

Astanada kúndiz jáne túnde jaıaý burqasyn júredi dep kútiledi. Kóktaıǵaq bolady. Ońtústik-batystan jel soǵady, ekpini — 15-20 m/s.

Túnde jáne kúndiz Atyraý oblysynyń ońtústiginde, shyǵysynda kóktaıǵaq bolady dep kútiledi. Túnde jáne tańerteń oblystyń soltústiginde, batysynda, ońtústiginde tuman túsedi. Atyraýda da kóktaıǵaq bolyp, túnde jáne tańerteń tuman bolady.

Aqtóbe oblysynda kóktaıǵaq bolyp, kúndiz oblystyń soltústiginde jaıaý burqasyn júredi dep kútiledi. Ońtústik-batystan jel soǵady, kúndizgi ekpini — 15-18 m/s. Aqtóbede de kóktaıǵaq bolady.

Qaraǵandy oblysynyń batysynda, soltústiginde, shyǵysynda burqasyn júrip, kóktaıǵaq bolady dep kútiledi. Oblystyń ońtústiginde, shyǵysynda keı ýaqyttarda tuman túsedi. Ońtústikten jel soǵady, kúndiz oblystyń batysynda, soltústiginde, shyǵysynda soqqan jeldiń ekpini 15-20 m/s quraıdy. Qaraǵandyda burqasyn júrip, kóktaıǵaq bolady dep kútiledi.

Ulytaý oblysynyń batysynda, soltústiginde keı ýaqyttarda qatty qar jaýady dep kútiledi. Burqasyn júrip, kóktaıǵaq bolady. Kúndiz oblystyń batysynda, soltústiginde, shyǵysynda ońtústikten soqqan jeldiń ekpini 15-20 m/s quraıdy. Jezqazǵanda burqasyn júrip, kóktaıǵaq bolady dep kútiledi.

Shyǵys Qazaqstan oblysynyń batysynda, shyǵysynda, ońtústiginde tuman bolady dep kútiledi.

Abaı oblysynyń shyǵysynda, ońtústiginde tuman túsedi. Tańerteń jáne kúndiz oblystyń ortalyǵynda ońtústikten, ońtústik-batystan soqqan jeldiń ekpini 15-20 m/s quraıdy.

Túnde jáne tańerteń Mańǵystaý oblysynyń batysynda, soltústiginde, ortalyǵynda tuman, kóktaıǵaq bolady dep kútiledi. Soltústik-batystan jel soǵady, kúndiz oblystyń batysynda, ortalyǵynda soqqan jeldiń ekpini 15-20 m/s quraıdy. Aqtaýda soltústik-batystan jel soǵady, kúndizgi ekpini — 15-18 m/s.

Qostanaı oblysynda burqasyn júrip, kóktaıǵaq bolady dep kútiledi. Oblystyń batysynda tuman túsedi. Oblystyń soltústiginde, shyǵysynda, ońtústiginde ońtústik-batystan soqqan jeldiń ekpini 15-20 m/s quraıdy. Qostanaıda kúndiz burqasyn júrip, ońtústik-batystan soqqan jeldiń ekpini 15-20 m/s bolady.

Batys Qazaqstan oblysynda tuman, kóktaıǵaq bolady dep kútiledi. Soltústik-shyǵystan, shyǵystan soǵady, kúndizgi ekpini — 15-20 m/s. Oralda tuman, kóktaıǵaq bolady dep kútiledi.

Qyzylorda oblysynyń soltústiginde, ortalyǵynda tuman, kóktaıǵaq bolady dep kútiledi. Qyzylordada tuman, kóktaıǵaq bolady.

Túrkistan oblysynyń ońtústiginde, taýly aýdandary men jáne taý bókterinde tuman túsedi. Ońtústik-batystan jel soǵady, oblystyń taý asýlarynda soqqan jeldiń ekpini 15-20 m/s deıin jetedi.

Túnde Soltústik Qazaqstan oblysynyń batysynda, ońtústiginde, kúndiz batysynda, soltústiginde, ońtústiginde jaıaý burqasyn júredi dep kútiledi. Kúndiz oblystyń batysynda, soltústiginde, ońtústiginde kóktaıǵaq bolady. Ońtústik-batystan jel soǵady, ekpini — 15-20 m/s. Petropavlda kúndiz kóktaıǵaq bolyp, ońtústik-batystan jel soǵady, ekpini — 15-20 m/s.

Pavlodar oblysynyń batysynda, ońtústiginde jaıaý burqasyn júredi, kóktaıǵaq bolady dep kútiledi. Oblystyń batysynda, ońtústiginde ońtústik-batystan soqqan jeldiń ekpini 15-20 m/s quraıdy. Pavlodarda tańerteń jáne kúndiz jaıaý burqasyn júrip, joldarda kóktaıǵaq bolady.

Túnde Jambyl oblysynyń taýly aýdandarynda kóktaıǵaq bolady dep kútiledi. Oblystyń soltústiginde, ońtústiginde, taýly aýdandarynda tuman túsedi dep kútiledi. Ońtústik-shyǵystan jel soǵady, oblystyń taýly aýdandarynda soqqan jeldiń ekpini 15-20 m/s quraıdy. Tarazda keı ýaqyttarda tuman bolady.

Almaty oblysynyń soltústiginde, ońtústiginde, taýly aýdandarda keı ýaqytta tuman túsedi. Qonaevta da keı ýaqytta tuman bolady dep kútiledi.

Jetisý oblysynyń soltústiginde, ortalyǵynda, taýly aýdandarda keı ýaqyttarda tuman bolady. Taldyqorǵanda da túnde tuman bolady dep kútiledi.

Aıta keteıik, 19 qańtar kúni Almaty oblysynda aýa raıyna baılanysty birneshe jol jabyldy.