Tuman, burqasyn, kóktaıǵaq: 27 qarashada aýa raıy qandaı bolady

ASTANA. KAZINFORM — «Qazgıdromet» RMK 27 qarasha kúngi aýa raıy boljamyn jarııalady.

Qazaqstannyń soltústiginde, shyǵysynda atmosferalyq frontaldy bólimderdiń ótýimen turaqsyz aýa raıy saqtalady. Azdaǵan jaýyn-shashyn jaýyp, burqasyn soǵyp, kóktaıǵaq bolady.

Elimizdiń qalǵan aýmaǵyna antıtsıklon jotasy áser etip kóbinese jaýyn-shashynsyz aýa-raıy saqtalady.

Respýblıka boıynsha tuman túsip, soltústikte, shyǵysta jáne ońtústik-shyǵysta jel kúsheıedi. Jeldiń jyldamdyǵy Jetisý oblysynda 22 m/s deıin, al Shyǵys Qazaqstan jáne Abaı oblysynda 25 m/s deıin jetedi. Sondaı-aq osy eki óńir men Soltústik Qazaqstan jáne Pavlodar oblysynda qar jaýyp, boran soǵady. 

Astana qalasynda kún ala bultty bolyp, aýa temperatýrasy 0 gradýsty kórsetedi. Qalada qar aralas jańbyr jaýýy múmkin. 

Almaty qalasynda kún jyly, jaýyn-shashynsyz bolady. Termometr baǵany +12+14 °C-di kórsetedi. 

Túrkistan oblysynda kún bultty, alaıda jaýyn-shashynsyz bolady.

Qyzylorda oblysynda kóshpeli bult júrip, aýa temperatýrasy +11+13 gradýsty kórsetedi. Keı ýaqyttarda tuman bolady. 

Batys Qazaqstan oblysynda da kóshpeli bult júredi. Kún raıy jaýyn-shashynsyz. 

Aıta keteıik, búgin elimizdiń 7 qalasynda aýa sapasy nasharlaıdy.