21 aqpanda qazaqstandyqtarǵa qar, burqasyn, tumanǵa baılanysty eskertý jasaldy

ASTANA. KAZINFORM — Sınoptıkter 21 aqpan kúni búkil Qazaqstan boıynsha qar jaýyp, tuman basyp, burqasyn bolatynyn málim etti, dep habarlaıdy Kazinform «Qazgıdromet» RMK baspasóz qyzmetine silteme jasap.

Astanada 21 aqpan kúni kúndiz qar, boran kútiledi. Jel shyǵystan jáne ońtústik-shyǵystan soǵyp, ekpini 15-20 m/s bolady.

Aqmola oblysynyń batysynda jáne ońtústiginde túnde qar, boran kútiledi; oblystyń batysynda keıde qatty qar jaýady, kúndiz qar, boran, ońtústiginde jáne shyǵysynda keıde qatty qar jaýady. Túnde jáne tańerteń oblystyń soltústigi men shyǵysynda tuman bolady. Jel shyǵystan jáne ońtústik-shyǵystan soǵyp, ekpini 15-20 m/s, oblystyń batysy, soltústik jáne shyǵysynda keıde 23-28 m/s bolady.

Ulytaýdyń aımaǵynda túnde jaýyn-shashyn (jańbyr, qar), boran, kóktaıǵaq, soltústigi men shyǵysynda qatty jaýyn kútiledi; kúndiz soltústiginde, shyǵysynda jáne ońtústiginde jaýyn-shashyn (jańbyr, qar), boran, kóktaıǵaq bolady. Soltústik, shyǵys jáne oblystyń ortalyǵynda tuman bolady. Jel ońtústik-shyǵystan soǵyp, keıin batysqa aýysady, oblystyń soltústigi men shyǵysynda túnde ekpini 15-20 m/s, kúndiz 15-20 m/s, shyǵysynda jáne ońtústiginde keıde 23 m/s deıin jetedi.

Qaraǵandy oblysynyń batysynda túnde qar, boran kútiledi; kúndiz qar, boran, soltústik jáne shyǵysynda qatty qar jaýady. Kúndiz oblystyń ońtústiginde kóktaıǵaq bolady. Soltústik, shyǵys jáne ońtústigin tuman basady. Jel ońtústik-shyǵystan soǵyp, keıin batysqa aýysady, oblystyń batysy, ońtústigi jáne ortasynda 15-20 m/s, keıde ekpini 25 m/s.

Mańǵystaý oblysynyń soltústiginde tuman bolady.

Jambyl oblysynyń taýly aımaqtarynda túnde qatty jaýyn-shashyn (jańbyr, qar) kútiledi. Keıde tuman bolady.

Atyraý oblysynyń soltústigi men shyǵysynda jazdaǵan jaýyn-shashyn (jańbyr, qar), jaıaý burqasyn boran, kóktaıǵaq kútiledi. Batysynda jáne ońtústiginde tuman bolady. Jel soltústik-batystan soǵyp, keıin ońtústik-batysqa aýysady, kúndiz oblystyń soltústiginde ekpini 15-18 m/s.

Aqtóbe oblysynyń batysy, soltústigi, shyǵysynda kóktaıǵaq bolady. Jel batystan jáne ońtústik-batystan soǵady; Muǵaljar aýdanynda túnde ekpini 15-18 m/s deıin barady.

Jetisý oblysynyń shyǵysy men taýly aımaqtarynda tańerteń jáne kúndiz keıde qatty jaýyn-shashyn (jańbyr, qar) bolady. Jel ońtústik-batystan soǵyp, oblystyń batysy, shyǵysy, ortalyǵy men taýly aımaqtarynda ekpini 15-20 m/s, keıde 23-28 m/s deıin jetýi múmkin. Alakól kólderi aımaǵynda jel ońtústik-batystan soǵyp, keıde 30 m/s deıin uıytqıdy.

Almaty oblysynyń taýly aımaqtarynda kúndiz keıde qatty qar jaýady. Soltústik, ońtústik jáne taýly aımaqtarda keıde tuman, joldarda kóktaıǵaq bolady. Jel soltústik-shyǵystan soǵyp, keıin batysqa aýysady; oblystyń batysy men shyǵysynda kúndiz ekpini 15-20 m/s, keıde 23-28 m/s deıin jetedi.

Qyzylorda oblysynyń ortalyǵynda jáne soltústiginde tuman túsip, kóktaıǵaq bolady. Jel batystan soǵyp, túnde 15-20 m/s, kúndiz oblystyń shyǵysynda 15-20 m/s deıin barady.

Shyǵys Qazaqstan oblysynyń ońtústiginde kúndiz azdaǵan qar, jaıaý burqasyn, kóktaıǵaq bolady. Soltústiginde, shyǵysynda jáne ońtústiginde tuman kútiledi. Jel soltústik-shyǵystan soǵyp, keıin ońtústik-shyǵysqa aýysady; oblystyń batysy men ońtústiginde ekpini 15-20 m/s.

Soltústik Qazaqstan oblysynyń batysy men ońtústiginde túnde jáne kúndiz qar, boran kútiledi. Ońtústiginde tuman bolady. Jel shyǵystan soǵyp, ekpini 15-20 m/s, oblystyń soltústigi, ońtústigi, batysynda keıde 23-28 m/s deıin uıytqıdy.

Abaı oblysynyń batysy, ońtústigi jáne ortalyǵynda kúndiz qar, boran, kóktaıǵaq kútiledi. Oblystyń soltústigi, ońtústigi jáne ortalyǵynda tuman bolady. Jel soltústik-shyǵystan soǵyp, keıin ońtústik-batysqa aýysady; oblystyń batysy, ońtústigi jáne ortalyǵynda ekpini 15-20 m/s, keıde 23-28 m/s bolady.

Pavlodar oblysynyń batysy men ońtústiginde kúndiz jel shyǵystan soǵady, ekpini 15-20 m/s deıin jetýi múmkin.

Qostanaı oblysynda qar, boran kútiledi; túnde jáne tańerteń ońtústik pen shyǵysynda qatty qar jaýady. Oblystyń batysy, soltústigi jáne shyǵysynda tuman bolady. Jel ońtústik-shyǵystan soǵyp, keıin soltústik-batysqa aýysady; oblystyń soltústigi, ońtústigi jáne shyǵysynda ekpini 15-20 m/s, keıde 23 m/s.

Túrkistan oblysynda jel batystan jáne soltústik-batystan soǵady; oblystyń batysy, soltústigi, ońtústigi men taýly aımaqtarynda 15-20 m/s, keıde ekpini 23-28 m/s. Taýly ótkelderde túnde jáne tańerteń keıde jyldamdyǵy 30 m/s-den asýy yqtımal.

Batys Qazaqstan oblysynyń batysy, soltústigi jáne shyǵysynda túnde qar, jaıaý burqasyn, kóktaıǵaq kútiledi; kúndiz jaýyn-shashyn (jańbyr, qar), jaıaý burqasyn, kóktaıǵaq bolady. Oblystyń soltústigi men shyǵysyn tuman basady. Jel batystan-ońtústik-batystan soǵyp, kúndiz oblystyń batysy, soltústigi, ońtústiginde ekpini 15-20 m/s deıin jetedi.

Budan buryn QazAvtoJol birneshe oblysta kólik qozǵalysyna shekteý qoıylǵanyn habarlady.