«Tulpar-Talgo» poıyzynyń jolaqysyna jeńildikter engizilýde
ASTANA. QazAqparat - Jolaýshylar poıyzdaryndaǵy qyzmetterdiń qoljetimdiligine jaǵdaı jasaý úshin «Tulpar-Talgo» poıyzdarynyń «Grand» jáne «Bıznes» vagondarynda jol júrý qunyna jeńildikter engizilýde, dep habarlaıdy «Jolaýshylar tasymaly» AQ.
«Qyzmetterdiń sapasyn arttyrý maqsatynda, sonymen qatar jolaýshylardyń suranystaryn qanaǵattandyrý úshin «Jolaýshylar tasymaly» AQ №19/20 «Atyraý-Astana», №77/78 «Almaty-Atyraý», №87/88 «Aqtóbe-Astana» jolaýshylar poıyzdarynyń «Grand» (SV), «Bıznes» (kýpe) sanatty vagondarynda jol júrý qunyna jeńildikter engizedi. Demek, mereke aldy jáne merekelik kúnderinen ózge, demalys kúnderi tarıfter jumys kúnderiniń deńgeıinde bolady», - delingen habarlamada.
Aıta keteıik, «Tulpar-Talgo» poıyzynyń «Grand» (SV) vagonynda qosymsha sanıtarlyq jelimen jáne jeke dýsh bólimi bar bes eki oryndyq kýpe bar. «Bıznes» sanatty vagondarda (jeke sanıtarlyq jelisi joq eki oryndyq) «Grand» vagondarynda sekildi jolaýshylardyń jaılylyǵy úshin otyrǵyshtardyń shyntaq taıanyshtaryna jınalmaly shaǵyn stoldar ornatylǵan. Ár kýpe poıyz jolserigimen baılanystyratyn telefonmen jabdyqtalǵan.
