«Tulpar-Talgo» poıyzdaryna qosymsha jeńildikter engizildi - Jolaýshylar tasymaly

ASTANA. QazAqparat - «Jolaýshylar tasymaly» AQ 2015 jyldyń 30 qazanynan bastap, keıbir «Tulpar-Talgo» poıyzdaryna qosymsha jeńildikter engiziletinin habarlaıdy, dep jazady «Jolaýshylar tasymaly» AQ baspasóz qyzmetinde.

Atap aıtqanda, №90 «Qyzylorda - Astana» poıyzyna (Qyzylordadan shyqqanda) 20 paıyz kóleminde jeńildik qarastyrylǵan. Budan bólek kelesi poıyzdarǵa aptanyń ár kúnderine oraı tómendegideı jeńildikter belgilendi:

-№1 «Almaty - Astana» jáne №701 «Almaty - Petropavlovsk» poıyzdaryna aptanyń juma men senbi kúnderi 15% jeńildik qarastyrylǵan;

- №2 «Astana - Almaty» jáne №702 «Petropavlovsk - Almaty» poıyzdaryna aptanyń dúısenbi, seısenbi, sársenbi, senbi jáne jeksenbi kúnderi 10% jeńildik qarastyrylǵan; - №67 «Zaşıta - Astana» dúısenbi, seısenbi, sársenbi, beısenbi jáne juma kúnderi 15% jeńildik qarastyrylǵan;

- №68 «Astana - Zaşıta» dúısenbi, seısenbi, sársenbi jáne jeksenbi kúnderi 15% jeńildik qarastyrylǵan.

Sonymen qatar, buryn engizilgen ıkemdi jeńildikter men jolaýshylardyń 3 tobyna arnalǵan dıskontty kartalardyń da kúshi saqtalady:

1) «Qurmet» -60 jas pen odan eresek adamdar úshin 30%; 2) «Jastar» - 16-25 jas aralyǵyndaǵy jastar úshin 30%; 3) «Saıahatshy» -turaqty jolaýshylar úshin 10% do 20%.