«Tulpar-Talgo» dánekerleýshileri halyqaralyq «Arc Cup» baıqaýynda júldege ıe boldy
Komandalyq baıqaýǵa «Tulpar -Talgo» JShS-ynyń temirjolshy-gazben dánekerleýshileri - Vladımır Shvarts pen Mıhaıl Gofman qatysty.
Qazaqstan mundaı baıqaýǵa tuńǵysh ret qatysyp otyr. Dánekerleýshi sheberler gazben, maıysqan elektrodpen, tot baspaıtyn bolat, alıýmınıı, mys, nıkel buıymdaryn, tıtan quımasyn dánekerledi.
On eki jyldyq eńbek ótili bar dánekerleýshi Mıhaıl Gofman alıýmınıı buıymdaryn dánekerleýdegi sheberligin kórsetip, ózindik tájirıbesimen bólisti. Sońǵy bes jylda alıýmınıımen jumys jasap júrgen Vladımır Shvarts temirden baǵyn synap kórdi. Ártúrli metaldarmen jumys jasaǵan dánekerleýshilerdiń sheberligin arnaıy komıssııa baǵalady. Baıqaýǵa qatysýshylar arnaıy kórmeniń quraldarymen tanysty.
«Biz Qazaqstanda da myqty mamandar barlyǵyn kórsetýdi maqsat ettik. Qıyndyqtar boldy. Onyń ishinde basqa orta, basqa qural jabdyqtarmen jumys jasadyq. Biz baıqaý arasynda ózimizde joq oqý quraldarymen tanystyq. Baıqaýǵa burynǵy Keńes odaǵy quramynda bolǵan elderdiń dánekerleýshileri qatysty. Olamen ózara tájirıbe almastyq»,- deıdi «Tulpar-Talgo» JShS dánekerleýshisi Mıhaıl Gofman.
Kelesi jyly Shanhaıda dánekerleýshiler baıqaýy ótkiziledi.
Qazaqstandyq dánekerleýshiler kelesi jyly «altyndy» qanjyǵasyna baılaýdan dámeli.
