«Tulpar kúni» ulttyq merekesin belgileý máselesi pysyqtalady – Úkimet basshysy

ASTANA. KAZINFORM – «Tulpar kúni» arnaıy ulttyq merekesin belgileý máselesi qosymsha pysyqtalady. Bul týraly Májilis depýtattarynyń saýalyna Premer-mınıstr Oljas Bektenovtiń jaýabynda aıtylǵan.

- «Tulpar kúni» arnaıy merekesin bekitýge keletin bolsaq, tıisti normatıvke maýsym aıynyń ekinshi jeksenbisi kásibı mereke – Malshylar kúni retinde belgilengenin habarlaımyz. Atalǵan mereke jylqy sharýashylyǵy salasynyń mamandaryn qosa alǵanda, mal sharýashylyǵy salasynyń barlyq qyzmetkerin qamtıdy. Bıyl osy mereke aıasynda salanyń shamamen 200 qyzmetkeri, onyń ishinde jylqy sharýashylyǵynyń 30 mamany marapattaldy.

Sonymen qatar, Birikken Ulttar Uıymy Bas

assambleıasynyń sheshimine sáıkes, 11 shilde kúni uıymǵa múshe memleketterde Dúnıejúzilik jylqy kúni atap ótiledi. Osyǵan baılanysty «Tulpar kúni» arnaıy ulttyq merekesin belgileý máselesi qosymsha pysyqtalatyn bolady, - dedi Oljas Bektenov.

Buǵan deıin jylqy eti áleýmettik mańyzy bar taýarlar tizbesine kirýi múmkin ekenin jazǵan edik.