Túlkiniń kesirinen ushaq Sheremetevony eki ret aınaldy
ASTANA. QazAqparat - Túlkiniń óleksesi ushaqtyń Sheremetevo áýejaıyn eki ret aınalýyna sebep boldy.
Bul týraly Reseı gazetine áýe aılaǵynyń baspasóz qyzmetinen habarlady.
«22 qazanda ushyp-qoný alańynda bógde zattyń tabylýynan áýe kemesine ekinshi aınalym jasaýǵa týra keldi. Zat alynǵannan keıin ushaq sátti qondy», - dedi basylymnyń suhbattasy.
Áýejaıdyń baspasóz qyzmetinde oqıǵa senbi kúni tańerteń oryn alǵanyn aıtty.
Bul rette, BAQ-ta ol zattyń túlkiniń óleksesi ekeni jazylsa da, baspasóz qyzmeti «bógde zat» anyqtamasyn ustanyp otyr.
