Túlkini taıaqpen uryp óltirgen aýyl turǵyny aıyppul tóleıtin boldy
ASTANA. QazAqparat - Qaraǵandy oblysynda túlkini taıaqpen uryp óltirgen er adam kúzetshi bolyp shyqty. Bul týraly QR AShM Orman sharýashylyǵy jáne janýarlar dúnıesi komıtetiniń baspasóz hatshysy Sáken Dildahmet Feısbýktegi paraqshasynda jazdy, dep habarlaıdy «QazAqparat» HAA tilshisi.
«Jedel izdestirý sharalary barysynda atalǵan áreketti jasaǵan adamnyń kim ekeni belgili boldy. Ol Qaraǵandy oblysynyń Shet aýdany Ortaý aýylynyń turǵyny bolyp shyqty. Ol kúzetshi bolyp jumys isteıdi. Zańsyz túlki aýlaǵan azamat QR Ákimshilik quqyq buzýshylyq kodeksiniń 382-baby boıynsha ákimshilik jaýapkershilikke tartyldy», - dep jazady Sáken Dildahmet.
Qaraǵandy oblysynyń orman sharýashylyǵy jáne janýarlar dúnıesi aýmaqtyq ınspektsııasy quqyqbuzýshynyń tabıǵatqa keltirgen shyǵynyn tólettirý jumysyn júrgizbek. Naqtyraq aıtqanda, quqyqbuzýshy 18370 teńge tóleıdi.
Aıta ketsek, buǵan deıin áleýmettik jelide er adam túlkini taıaqpen soǵyp alǵan vıdeo taraǵan bolatyn. Er adam beınejazbada kórsetilgendeı, birinshi soqqydan soń sereńdep jatqan túlkini taǵy eki márte uryp óltirgen.
