Túlkibastaǵy kóshelerge jaryqshamdar qoıylyp jatyr
TÚRKІSTAN. QazAqparat - Túrkistan oblysy Túlkibas aýdanyndaǵy 16 eldi mekenniń kóshelerine jaryqsham ornatý jumystary júrgizilýde, dep habarlaıdy QazAqparat Túrkistan oblysy ákiminiń baspasóz qyzmetine silteme jasap.
Jospar boıynsha jaryq berý qurylǵylary jalpy uzyndyǵy 36 shaqyrym bolatyn 19 kóshege qoıylady. Qazirgi tańda, jumystyń 75 paıyzy oryndalǵan. Joba mamyr aıyna deıin tolyq aıaqtalady.
Aıta keteıik, bul másele aýdan ákimi Nurlan Baıǵuttyń halyqqa esep berý jıynynda kóterilgen bolatyn. ıAǵnı, turǵyndar túngi ýaqytta aýyl arasynda júrip-turý qıyn ekenin aıtyp, aýdan basshysynan kóshelerdi jaryqtandyryp berýdi suraǵan. Óz kezeginde Nurlan Marhabatuly halyqtyń ótinishin qanaǵattandyryp, tıisti sala mamandaryna tapsyrma bergen. Nátıjesinde, azamattardyń ótinishi bıylǵy jyldyń jumys josparyna enip, iske asyrylýda.
